JOHAN 9:35 - Bawm Common Language Bible Version

³⁵ Chun, an nar ti Jisu nih a theih le; chun, anna tawng rawh chun, “Minung Fapa na zumh ma?” a ti.

JOHAN 9:35 ပူးပေါင်းရင်းမြစ်များ

SAM 2:12

thir bû hen amah chu mâimûk u, chu lo chun a thinthawk sawm lai le, nan thi chawlh lai. Amah hum ding hen a sinah kaltu chu an lâwptlo.

SAM 2:7

“LALPA nih a sim mi chu ka phuang awt” Lalchem nih a ti. ‘LALPA nih ka fapa na si, tusûn hin na pa kasi,’ a ti.

SAM 27:10

Ka nu leh ka pa lam nih chun an ka kaltâk kha, khawmsele LALPA lam nih chun hawng ka kilkâwi lai.

MATHAI 14:33

Chun, lawng lakah um mi tla nih chun, “Pathian Fapa na si tak ngâk mahi,” ti hen, amah mâi an mûk.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MATHAI 4:3

Chun, Diabol chu a hawng kal le, “Pathian Fapa na si chun hi bang lung hi sang ah chang ding hen thu pêk rawh,” a ti.

MARK 1:1

Hi hi Pathian Fapa Jisu Krist Thawngthang Ṭha tlung dawmhtîrnâk chu asi.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 1:34

Chu chu ka muh rawh le,” “chun hi hi Pathian Fapa asi ti ka theihtir rawh,” a ti.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 11:27

Anih nih chun a sinah, “Lung ta a, Lalpa; Mesia, Pathian Fapa, laikulh ah a hawng kal ding mi chu na si ti ka lung,” a ti.

JOHAN 20:28

Thom nih a sinah, “Ka Lalpa leh ka Pathian na si,” a ti le, a sâng.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 5:14

A nehnûn ah chun Jisu nih anih chu Pathian Biakin ah a muh le, a sinah, “Ngâi rawh, na dam rawh hi, thil sual nawlh lah rawh, chu lo chun thil ṭhalo khun na tlûnah a hawng um sual lai,” a ti.

JOHAN 6:69

Nang Pathian Mi Thenhlimh chu na si ti kan lung hen kan theih rawh,” a ti le, a sâng.

JOHAN 9:22

Juda le an ṭih ruangah a nu leh a pa nih chun, chubang thu chu an sim asi. Juda tla nih chun âuzawng nih, “Anih chu Mesia asi,” ti hen ṭanhtu chu pumhnâk in ah mi nar asi lai ti hen rem an ti chia khap asi.

JOHAN 9:34

Chun, annih nih chun a sinah, “Nang sual lumpi hen suak na si, nangnih na hawng kan simh bâk mu?” an ti le, an sâng. Chun, anih chu an nar rawh.

THILTI 8:36

Chun, lampi ah an kal liauah tî umnâk ah an tleng le; chun tilkhei nih chun, “Zauhnik, hinah tî a um, baptis ding hen zei nih me hawng ka kham chem?” a ti.

THILTI 8:37

Chun, Philip nih chun a sinah, “Na thinlung zawzawng hen na lung chun na baptis kho lai,” a ti. Chun, anih nih chun tihin a sâng le, “Jisu Krist chu Pathian Fapa asi ti ka lung,” a ti.

THILTI 9:20

Pumhnâk in ah chun Jisu chu Pathian Fapa a sizia thu a phuang rawh.

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

ROM 10:20

Chun, Isai nih râlṭha tak hen, “An ka hâwl lo mi tla tawng hen ka um le, an ka lam lo mi tla sinah theihtir hen ka um,” ti hen a sim.

1 JOHAN 4:15

Âuzawng, “Jisu chu Pathian Fapa asi” titu chu amah lakah Pathian a um kumza le, anih khawm chu Pathian lakah a um kumza asi.

1 JOHAN 5:10

Âuzawng Pathian Fapa lungtu nih chun a thinlung ah theihpitu a nei asi, Pathian lunglotu lam nih chun amah chu âwkrâwl ah â siam le, Pathian nih a Fapa thâwngthâng a theihtir mi chu a lung lo ruangah.

1 JOHAN 5:13

Zungzâl nungnâk nan nei ti nan theih khonâk ding hen, nannih Pathian Fapa min lungtu tla sinah hi bang thu hi ka rîn asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

1 JOHAN 5:5

“Jisu chu Pathian Fapa asi” titu cho lo nih chun âunih me laikulh a neh kho?

3 JOHAN 1:10

Churuangah, ka hawng kal tik chun a thilti tla kha kan theihtir na lai le, kan lakah thil ṭihnungkâi leh âwkrâwl thu a sim le, chu ko khawm chu tâwk ti lo hen, unau tla an hawng kal mi tla khawm chu a lawmh na lo le, anmah lawmhtu tla khawm a khap na le, pumhnâk in mi nar ding a tum na.