JOHAN 9:31 - Bawm Common Language Bible Version

³¹ Pathian nih misual thu a ngâi tâwn lo ti kan theih; sikhawmsele, âuzawng nih Pathian sawnhtu asi hen, a duhzia thil a ti chun, anih chu Pathian nih a ngâi piak tâwn.

JOHAN 9:31 ပူးပေါင်းရင်းမြစ်များ

GENESIS 19:29

Pathian nih chu khuapi tla tivakuam mi Lot umnâk a râwk liau chun, Abraham chu a theihkumza le, Lot khawm nung dam a um hen a suaktir.

GENESIS 20:7

Sikhawmsele, tuah nunau chu a pasal sinah khirh nawlh; anih chu khuavâng asi, thla an cham piak lai le, na thih lonâk ding hen. Sikhawmsele, na khirh lo asi chun, nang leh na mi tla an thi ver awt tih kan theihtir,” a ti.

JOB LASUIBU 35:12

Ṭangpitu ding ah Pathian an auh le, mi zûm leh misual an si ruangah Pathian nih a sâng na lo.

JOB LASUIBU 35:13

Pathian rangah auh chu a zauh na hen a ngâi piak na awtlo ruangah an rangah a ṭhatnâk zeikhawm a um lo.

JOB LASUIBU 42:8

Tuah nanmah rang ding ah chawchal pasarih leh dawrâ chal pasarih Job sinah kalpi ule, bâwlnâk rangah ap u. Job nih thla an cham piak na lai le, kei nih a thlachamnâk ka sâng lai le, nan ti mi hâwi hen nan rangah ningzak a kâi lai loh. Anih nih a ti mi hâwi hen ka thu hi dik hen nan sim lo,” a ti.

SAM 106:23

Pathian nih a mi le tla veih hep ding thu a sim liauah a to-aw thîm, Mosi chu a dîr le, Pathian rangah a êl. Pathian thinthawknâk lakah mi chu veih lo ding hen a vêng na.

SAM 143:10

Nang chu ka Pathian na si, na duhzia hawng ka sîntir rawh. Ka lakah ṭhat suah le, himnâk lampi ah hawng ka rui.

SAM 145:19

Amah zahtu tla sinah chun an herh mi a pêk na le; an âu mi a ngâi le, ruang a suah na.

SAM 18:41

Ṭangpitu an auh le, âukhawm nih an hum na lo; LALPA an auh le, sikhawmsele a sâng na lo.

SAM 40:8

Ka Pathian na duhzia thilti chu ka duh a! Na sîntirnâk chu ka thinlung ah ka kil,” ti hen ka sâng.

SAM 99:6

Mosi leh Aron chu a bâwlpu an si, Samuel chu amah sinah thlachamtu pakhat asi; LALPA an auh le, anih nih a sâng na.

THUFING LASUIBU 15:29

Mi ṭha nih thla a cham chun LALPA nih a ngâi le, sikhawmsele misual tla chu ngaihlo lêm a thlâk na.

THUFING LASUIBU 21:13

Mipâm tla ṭap hâu ngâi ding na duh lo mi asi chun, na âu hâu mi âukhawm nih an ngâi piak lai lo.

THUFING LASUIBU 28:9

Dân zûltu na si lo chun, na thlachamnâk chu Pathian nih ngâi ding a duh lai lo.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

ISAI 58:9

Thla na cham tik chun ka nan sâng lai. Na ka kawh tikah ka nan sâng lai. “Nehsawhnâk, zauhnawmhnâk leh thu ṭhalo zawzawng tla na bângtâk hen;

JEREMIA 11:11

Churuang chun, tuah, Kei, LALPA nih, an lakah siatnâk ka tlungtir awt mi ka simhkan na le, an âwl rîlmâl lai lo. Ka sinah ṭangpi hawng ngiar na khawmsele, ka ngâi piak na ding asi lo.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

EZEKIEL 8:18

Ka thinthawknâk fâk tak an tawng teh lai. Ka zuah na hen an lakah khua ka ruat ding asi lo. An hâu a fâk kho rirî hen ka sinah thla an cham lai le, sikhawmsele ka ngâi piak na ding asi lo,” a ti.

MIKAH 3:4

LALPA nan auh ding mi tik a tlung awt, sikhawmsele a nan sâng na lai lo. Thilsual nan ti ruangah nan thlachamnâk khawm an sâng na lai lo.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

JOHAN 11:22

Tu khawm ah Pathian sinah na deih mi zawng chu Pathian nih a nan pêk lai ti ka theih,” a ti.

JOHAN 15:16

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

JOHAN 4:34

Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

JOHAN 9:30

Chun, chu nih chun an sinah, “Chu tak chu asi a chênâk chu, a zei thawk hen me suak asi ti nan theih lo, sikhawmsele ka mit a deitir asi.

JOHAN 9:32

Laikulh um tîr thawk hen âukhawm nih mitchâw chia hen a suak mi mit an deitir nawlh ti theih asi dahlo.

DEUTERONOMY 1:45

Churawhchun, LALPA sinah ṭangpi deih hen nan âu le, sikhawmsele nan thu chu a ngâi duh lo hen nan leiah a nâ a thlîr duh lo.

HEBRAI 10:7

Churawhchun, kei nih, ‘Aw Pathian, ngâinik, Dân lasuibu lakah ka thu rîn asi hâwi hen, na duhzia ti ding hen ka hawng kal,’ ka ti,” a ti.