JOHAN 9:22 - Bawm Common Language Bible Version

²² Juda le an ṭih ruangah a nu leh a pa nih chun, chubang thu chu an sim asi. Juda tla nih chun âuzawng nih, “Anih chu Mesia asi,” ti hen ṭanhtu chu pumhnâk in ah mi nar asi lai ti hen rem an ti chia khap asi.

JOHAN 9:22 ပူးပေါင်းရင်းမြစ်များ

THUFING LASUIBU 29:25

Mi nih an ruat mi hâwi hen thinlung put chu ṭihnung a kai le, sikhawmsele LALPA lakah ngauhtu na si chun na him lai.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

ISAI 57:11

LALPA nih, “Ka sinah âwkrâwl thusim hen hawng ka philh hep ding hen an ṭhih natu tla hi zei pathian me an si? Sâwt tak ka dâisip ruangah keimah nan ka zah ding mi chu nan bâng mu?

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

JOHAN 1:19

Chun, Juda le nih “Âu me na si?” ti hen, deih ding hen, Jerusalem thawk hen a sinah bâwlpu tla leh Levi chi tla an fial liau khan hi hi Johan theihtirnâk chu asi;

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

JOHAN 19:38

Chun, chu nûnah chun, Josef, Arimathai khua mi, (Jisu ṭhiruai asi le, sikhawmsele Juda tla a ṭih ruangah a thup hen um asi.) anih nih chun Jisu ruak chu kalpi kho ding hen Pilat sinah a deih le, chun Pilat nih a siang. Chuvachun, a hawng kal le, a ruak chu a kalpi rawh.

JOHAN 20:19

Chun, chu ni, ni sarih ni masa chem ah, zânleibâi ah, Juda tla ṭih ruangah ṭhiruai tla umnâk inkhâr tla chu an khâr nûn chun, Jisu an lakah a hawng dîr le, an sinah, “Nan tlûnah lungngamnâk um seh,” a ti.

JOHAN 7:13

Sikhawmsele, Juda tla an ṭih ruangah âukhawm nih a thu an phuang ngam lo.

JOHAN 9:18

Sikhawmsele, Juda tla nih mit deinâk tawngtu nu leh pa chu an kawh na lânlo chu, mitchâw asi, mit deinâk a tawng ti, a thu chu an lung lo.

JOHAN 9:21

sikhawmsele, zeitin tuhin a hawng muh kho rawh zia hi kan theih loh, a mit deitirtu khawm kan theih loh, amah deih u; a upa bâk rawh asi, amah thu chu amah nih a sim lai!” an ti le, an sâng.

JOHAN 9:34

Chun, annih nih chun a sinah, “Nang sual lumpi hen suak na si, nangnih na hawng kan simh bâk mu?” an ti le, an sâng. Chun, anih chu an nar rawh.

JOHAN 9:35

Chun, an nar ti Jisu nih a theih le; chun, anna tawng rawh chun, “Minung Fapa na zumh ma?” a ti.

THILTI 4:18

Chun, annih chu an kawh na le, Jisu min hen thu simlo thlo ding hen leh sîntir lo thlo ding hen an ti thlir na.

THILTI 5:13

Midang lam chu âukhawm an lakah anna tel ngam lo rawh. Sikhawmsele, mi nih annih tla chu an sawr na tâwn.

THILTI 5:40

Chun, mifial tla chu an kawh na le; an vuak na le; an vuak thluh nûnah Jisu min hen thu simlo rawh ding ti thlir hen an thlah na rawh.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.