JOHAN 8:58 - Bawm Common Language Bible Version

⁵⁸ Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

JOHAN 8:58 ပူးပေါင်းရင်းမြစ်များ

EXODUS 3:14

Pathian nih, “Keimah kasi a ti mi kha kasi, a ti. ‘Keimah kasi titu nih nan sinah hawng ka fial asi, na ti ding asi,” a ti.

ISAI 43:13

Kei chu Pathian kasi le, kasi kumza lai. Ka thiltikhonâk lakah mi âukhawm an suak kho lai lo; thil ka ti rawh mi chu âukhawm nih an dangtir kho lai lo,” a ti.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ISAI 46:9

A lânah thil a hawng um mi chu theihkumza ule, keimah cho Pathian kasi zia theihtir u, Keimah hâwi midang âukhawm an um lo.

ISAI 48:12

LALPA nih, “Ka nan kawh na mi Israel tla, ka thu ngâi u! Kei Pathian, a masa chem leh a madung chem Pathian pakhat cho chu kasi!

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

JOHAN 10:25

Jisu nih an sinah, “Ka nan simh na rawh kha, nan lung lo; ka Pa min hen thil ka ti mi hi, hi nih hin ka thâwngthâng a theihtir asi.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 17:5

Pa, laikulh um lânah na sinah rokualnâk ka nei mi hen khan, tu ah nangmah sin ngelchel ah hawng ka chawnglawmh rawh.

JOHAN 8:24

Churuangah, nan sinah, ‘Nan sual mawhnâk lakah nan thi lai,’ ka ti mi kha; anih chu kasi ti nan lung lo chun, nan sual mawhnâk lakah nan thi lai,” a ti.

JOHAN 8:28

Chuvachun, Jisu nih, “Nannih nih Minung Fapa hi nan thlâi tikah, anih chu kasi ti leh kei nih mah thu hen zei thil khawm ka ti lo, Pa nih hawng ka simh hâwi vima hen hi bang thu hi ka sim dauh asi ti nan theih teh lai.

JOHAN 8:34

Jisu nih an sinah, “Thungâi tak hen ka nan simh na, âuzawng thilsual titu vial sual sal asi.

JOHAN 8:51

Thungâi tak hen ka nan simh na, mi nih ka thu a zâwt chun, a thi rerêng lai loh,” a ti.

KOLOSA 1:17

Krist chu zeizawng um lânah um mi rawh asi, amah lakah chun zeizawng munkhat dut hen a dîr.

HEBRAI 13:8

Jisu Krist chu mazân khawm, tusûn khawm ah leh kumleza hen a mahmun hen a um kumza.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.