JOHAN 8:55 - Bawm Common Language Bible Version

⁵⁵ nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

JOHAN 8:55 ပူးပေါင်းရင်းမြစ်များ

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

HOSEA 5:4

Pathian sinah an hawng kîr ding mi an thilsual ti nih a kham pang. Milem an sawnhnâk a zual tuktarâi le, LALPA an theih phah lo rê.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 10:15

chun, dawrâ tla rangah chun ka nungnâk ka pêk.

JOHAN 15:10

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

JOHAN 15:21

Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 6:46

Âukhawm nih Pa an muh lo, Pathian sinah hawng suak cho lo nih chun; anih nih chun Pa chu a muh.

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

JOHAN 8:29

Hawng ka fialtu chu ka sinah a um le, hawng ka thlahthlamh lo; a lawmh kâng thil ka ti kumza ruangah,” a ti.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

JOHAN 8:51

Thungâi tak hen ka nan simh na, mi nih ka thu a zâwt chun, a thi rerêng lai loh,” a ti.

JOHAN 8:52

Juda tla nih a sinah, “Khuri nei na si ti tu ah kan nan theih rawh. Abraham a thi rawh, khuavâng tla hen, nangnih, ‘Mi nih ka thu a zâwt chun a thi rerêng lai loh,’ na ti.

THILTI 17:23

Ka tawih pah hen nan sawnh mi tla ka zauh liauah, mâichâm pakhat tlûnah, “Theih loh Pathian sinah,” ti hen, rîn ka muh asi. Chun, theihlo hen nan sawnh tâwn mi kha, chu thu chu ka nan simh na hi.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

1 JOHAN 1:6

Mûi lakah um ko hen “Amah hen kanna kawmh” kan ti chun âwkrâwl kan sim asi, thutak khawm chu kan zâwt lo,

1 JOHAN 2:22

Jisu chu Mesia asi ti lunglotu nûnlêm chun mi âwkrâwl âu me um? Krist Mêlma chu Pa leh Fapa lung lotu hi asi.

1 JOHAN 2:4

A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 5:10

Âuzawng Pathian Fapa lungtu nih chun a thinlung ah theihpitu a nei asi, Pathian lunglotu lam nih chun amah chu âwkrâwl ah â siam le, Pathian nih a Fapa thâwngthâng a theihtir mi chu a lung lo ruangah.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.