JOHAN 8:44 - Bawm Common Language Bible Version

⁴⁴ Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

JOHAN 8:44 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

1 Lal 22:22

LALPA nih, ‘Zei hawi hen?’ ti hen a deih. Thlarau nih a sâng le, ‘Ka va kal lai le, Ahab khuavâng tla chu âwkrâwl thu ka va simtir hep na lai,’ a ti. LALPA nih, ‘Va kal le, va perpet rawh ne, na ti kho lai,” a ti.

1 CHRONICLES 21:1

Setan nih Israel mi tla lakah nawknâk tlungtir ding a duh le, David chu minung rêl ding duhnâk thinlung a pêk.

JOB LASUIBU 1:11

Sikhawmsele tuah a neih zawzawng lâk piak nik, na mâichâng ah an sâwi lai!” a ti.

MATHAI 12:34

Rûl thlâk tla, nannih sual ko bû hen zeitin me thu ṭha nan sim kho lai? Thinlung ah khat hen a liam mi chu kâ nih a sim tâwn asi.

MATHAI 13:15

Hi phun tla thinlung hi a mawlâwt rawh le, an nâ tla a ngawng ver le, an mit an sîm ver, Chu lo chun kan mit hen kan muh lai le, kan nâ nih a theih lai le, kan thinlung hen kan theih ber lai le, kanna lêt nawlh lai le, anih nih hawng kan damh sual lebang lai,’ an ti, a ti mi kha.

MATHAI 13:38

“Chî ṭha vawrhtu chu Minung Fapa hi asi; lo chu laikulh hi asi le, chî ṭha chu Pathian Ram fa tla an si le, fâng telê chu Setan fa tla an si.

JOHAN 6:70

Chun, Jisu nih an sinah, “Nannih leinih tla hi keimah thîm nan si lo ma? Nan lakah minung pakhat lam chu diabol asi,” a ti.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

JOHAN 8:38

Kei nih ka Pa sinah thil ka muh mi chu ka sim tâwn; nannih khawm nih nan pa sinah thil nan theih mi chu nan ti tâwn,” a ti.

JOHAN 8:41

Nannih nih nan pa thilti chu nan ti tâwn, a ti. Chun, annih nih chun a sinah “Lakfâ tla kan silo, Pa pakhat chi kan nei, Pathian chu,” an ti.

JOHAN 8:55

nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

THILTI 13:10

“Nang diabol fapa, nang repnâk zawzawng huatupa Lalpa lampi rep tak tla hi siattir na bâng lo mu?

THILTI 24:9

Chun, Juda tla khawm nih chun, “Chubang thu chu chu hâwi asi,” ti hen an bawppi bâk.

THILTI 5:3

Sikhawmsele, Peter nih, “Anania, Thlarau Thenhlimh sinah âwkrâwl thu sim ding hen leh thil man zeimaw zat pheh ding hen zei rangah Setan nih na thinlung a khattir?

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

2 PETER 2:4

Vânmifial tla nih thil an sual liau khan Pathian nih a zuah lo le, rêpmun ah a lawnh le, lâirêl piak ding ni ngâk hen khur mûi ah a khumh rawh.

1 JOHAN 1:8

“Sual kan nei lo” kan ti chun mah le mah kanna perpet le, thutak chu kanmah lakah a um lo asi.

1 JOHAN 2:21

Thutak chu nan theih lo mi asi lo ruangah ka rîn asi, nan theih ruangah leh thutak lakah âwkrâwl zeikhawm a suak dahlo ti nan theih ruangah ka rîn dauh asi.

1 JOHAN 2:4

A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 3:12

Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.

1 JOHAN 3:15

Âuzawng a unau huatu chu mi thahtu asi, mi thahtu âukhawm zungzâl nungnâk ting an um lo ti nan theih.

JUD 1:6

Vânmifial anmah thuneihnâk tâwk ri duh lo hen, an mun kaltâktu tla chu, mawhtir hen an umnâk ding Ni rokual tak rangah zungzâl chikchîn hen Pathian nih phuar hen mûi ah a siah na mi chu theihkumza u.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.

THUPHUANG 9:11

Khurtawdawnglo lakah thuneitu vânmifial chu lal ah an nei le, Hebrai hawlh hen a min chu, “Abadon” asi le, Greek hawlh hen chun, “Apollion” asi (a umzia chu, “Râwktu” tinâk asi.)