JOHAN 8:43 - Bawm Common Language Bible Version

⁴³ Zei rangah ka hawlh umzia nan theihthiam lo? Ka thusim nan ngâi set lo ruangah asi.

JOHAN 8:43 ပူးပေါင်းရင်းမြစ်များ

THUFING LASUIBU 28:5

Misual tla nih repnâk thu an theih lo, sikhawmsele LALPA sawnhtu tla nih chun fiang tak hen an theih.

ISAI 44:18

Chubang hâwi minung tla chu an mâwl tuk le, an thilti khawm an theih loh. Thudik lakah an mit an sîm le, an thinlung an khungtir.

ISAI 6:9

Churawhchun, hi thuchah hi mi zapi simh na ding hen kal ding hen hawng ka fial rawh: “Zei ti tal hen ngâi khawm ule, nan theihthiam ding asi lo. Zei ti tal hen zauh khawm ule, zei a hawng tlung nan theih ding asi lo,” ti hen.

JEREMIA 6:10

Kei nih ka sâng le, “An sinah thu ka sim hen ka simhkan na chun âunih an ka ngâi piak awt? Mi lungkhung an si le, na thuchah khawm an ngâi duh lo; sim ding hen thu na ka simh mi hi an nihsuak tâwk cho lai.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

MIKAH 4:12

Sikhawmsele chu phun tla nih LALPA thinlung an theih lo, fâng zâp ding an hawng put mi hâwi hen rêp ding ah pumh hen an um mi an theih lo.

MATHAI 13:15

Hi phun tla thinlung hi a mawlâwt rawh le, an nâ tla a ngawng ver le, an mit an sîm ver, Chu lo chun kan mit hen kan muh lai le, kan nâ nih a theih lai le, kan thinlung hen kan theih ber lai le, kanna lêt nawlh lai le, anih nih hawng kan damh sual lebang lai,’ an ti, a ti mi kha.

JOHAN 5:25

Thungâi tak hen ka nan simh na, a tik a tlung awt rawh, tu khawm ah a tlung liau chir, chu tik ah chun mithi tla nih Pathian Fapa aw-hâu an theih lai le, a theihtu vial an nung lai.

JOHAN 5:43

Ka Pa min hen ka hawng mi asi, nannih nih nan ka pawm lo; midang amah min hen hawng sele, anih chu nan pawm lai.

JOHAN 6:60

Chuvachun, a ṭhiruai tla zeimaw mi tam tak nih chu chu an theih le, “Hi hi thu har tak asi: âunih a ngaihtawnh dân a thiam kho lai?” an ti.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

JOHAN 8:27

Pa thu an sinah a sim ti an theih lo.

JOHAN 8:33

Chun, annih nih chun a sinah, “Abraham thlâk tla kan si, âu sal khawm ah kan um dahlo rih; Sal an suah na lai,’ zeitin zia na ti mi mesi?” an ti le an sâng.

JOHAN 8:39

Chun, annih nih chun a sinah “Kan pa Abraham asi,” an ti le, an sâng. Chun, Jisu nih an sinah, “Abraham fa le nan si chun, Abraham thilti kha nan ti ding asi.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

ROM 3:11

Âukhawm theihthiam rerêng an um lo, âukhawm Pathian sawnh rerêng an um lo.