JOHAN 8:38 - Bawm Common Language Bible Version

³⁸ Kei nih ka Pa sinah thil ka muh mi chu ka sim tâwn; nannih khawm nih nan pa sinah thil nan theih mi chu nan ti tâwn,” a ti.

JOHAN 8:38 ပူးပေါင်းရင်းမြစ်များ

MATHAI 3:7

Sikhawmsele, Farisai tla leh Sadukai tla tam tak baptis ding hen an hawng kal mi a muh kâ hen an sinah, “Rûl thlâk tla, thinrunhnâk hawng tlung ding mi hi tektâk ding hen âunih an simh na?

JOHAN 14:10

Kei Pa lakah ka um leh Pa keimah lakah a um ti na lung lo ma? Nan sinah thu ka sim mi hi, keimah phuak sawm hen ka sim lo; Pa keimah lakah a um kumza le, a thil a ti dauh tâwn asi.

JOHAN 14:24

Âuzawng a ka dâwt lo mi nih chun ka thu a zâwt lo; thu nan theih mi hi ka tâ asi lo, Pa hawng ka fialtu tâ asi dauh.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 3:32

A muh leh a theih mi zawng a theihtir tâwn asi, âukhawm nih a thu theihtirnâk an pawm lo.

JOHAN 5:19

Chun, Jisu nih an sinah, “Thungâi tak hen ka nan simh na, Fapa nih amah ko hen zeikhawm a ti kho lo, Pa thilti a muh mi cho lo chu; thil a ti mi hâwi zawng chu, Fapa khawm nih a ti bâk tâwn.

JOHAN 5:30

“Keimah thu hen zeikhawm ka ti kho lo; Pa nih hawng ka simh hâwi vima hen lâi ka rêl tâwn, ka lâirêl chu dik tak asi, keimah thu thu hen um ka tum lo le, hawng ka fialtu duhzia hen um ka tum tâwn ruangah.

JOHAN 8:26

Nannih thu lakah hin thil tam tak sim le ruat ding ka nei; zeikhawm si sele, hawng ka fialtu chu mi dik tak asi; a sinah thu ka theih mi vial laikulh sinah ka simh,” a ti.

JOHAN 8:41

Nannih nih nan pa thilti chu nan ti tâwn, a ti. Chun, annih nih chun a sinah “Lakfâ tla kan silo, Pa pakhat chi kan nei, Pathian chu,” an ti.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.