JOHAN 8:32 - Bawm Common Language Bible Version

³² chun thutak nan theih lai le, thutak nih chun sal an suah na lai,” a ti.

JOHAN 8:32 ပူးပေါင်းရင်းမြစ်များ

SAM 119:45

Na sîntirnâk chu zûl ka tum ruangah thawsuaknâk rangtling hen ka um lai.

SAM 25:5

Na thudik ziatê hen um ding hen hawng ka sîntir le, ka Pathian, hawng ka humtu na si ruangah kanan zumh kumza lai.

THUFING LASUIBU 1:23

Nun ka nan simh liau hin ngâi. Krai ṭha tak ka nan pêk lai le, ka theihnâk ka nan ṭhenh lai.

THUFING LASUIBU 1:29

Finghnâk mang ding rerêng na nei lai lo, LALPA thu na ngâi ding na duh lo nget ruangah.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 30:21

Vawrhlei ah mawh kehlei ah mawh vâi khawm ule, nan dunglei ah hi hâwi thu a sim mi nan theih lai, “Hinah lampi a um hi! Hinah kal u,” ti hen.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

LEVITICUS 25:41

Chu tikah amah leh a fa tla hen an suak lai le, a dâwngsung leh a thlâktu tla thil-le-rî umnâk ah an kal lai.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 16:13

Sikhawmsele, Thlarau diktak chu, a hawng tlung tikah, thutak zawzawngah an rui na lai; amah phuak sawm hen thu a sim awtlo; thu a theih mi vial chu a sim dauh lai; thil hawng tlung ding tla khawm nan sinah a phuang lai.

JOHAN 17:17

Annih chu thutak hen thenhlimhtir rawh, na thu chu thutak asi.

JOHAN 6:45

Khuavâng tla lasuibu ah, “Pathian sîntir hen an um ver lai,” ti rîn asi. Mi kip Pa thu theih hen sîn mi vial chu ka sinah an hawng kal tâwn.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

JOHAN 8:36

Chuvachun, Fapa nih sal a nan suah na chun, nan suak tatak lai.

ROM 6:22

Tuah lam chun sual lakah mi lît hen nan um le, Pathian to-aw tla nan hawng si hi, thenhlimhnâk tawng phah rê hen rah nan nei asi, chu dawnghnâk ah zungzâl nungnâk hen.

ROM 8:15

Lâu ah um nawlh ding hen to-aw sinâk thlarau nan tawng asi lo le, fa sinâk thlarau nan tawng asi dauh, chu thlarau ruangah chun ‘Abba, ka Pa’ ti hen kan âu tâwn hi.

ROM 8:2

Krist Jisu ah nungnâk thlarau Dân nih chun sualnâk leh thihnâk Dân ah mi chu hawng kan suah rawh asi.

1 KORIN 7:22

Sal ah um mi Lalpa nih a kawh mi chu Lalpa sal suaktir asi; chu hâwi ber hen sal silo hen kawh mi chu Krist sal asi.

GALATIA 5:1

Sal si lo ding hen Krist nih hawng kan suah kha, chun bir tak hen dîr ule, sal liangbat lakah chun tâng nawlh lah u.

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

2 TIMOTHE 3:7

sîn kumza narêng hen thudik phanh lo mi an si,

JEM 1:25

Sikhawmsele, ruangsuahnâk dân rangtling minung tla suahtu chu zauh hen, zâwttu si hen, ngâi salam leh philhtu silo hen, zûltu chu a thilti Pathian nih mal a sâwm lai.

JEM 2:12

Churuangah, thawsuaknâk dân hen lâirêl piak a um ding mi tla hâwi hen thu sim ule, thil khawm ti tâwn u.

1 PETER 2:16

Thawsuak tak hen um u, nan thawsuaknâk chu zei sual tal phenhtu ah mang lah u, Pathian to-aw hâwi hen um dauh u.

2 JOHAN 1:1

Upa nih chun Nunau Pathian thîm mi, ka dâwt ngâi mi leh a fa tla sinah, kei cho silo hen,