JOHAN 8:24 - Bawm Common Language Bible Version

²⁴ Churuangah, nan sinah, ‘Nan sual mawhnâk lakah nan thi lai,’ ka ti mi kha; anih chu kasi ti nan lung lo chun, nan sual mawhnâk lakah nan thi lai,” a ti.

JOHAN 8:24 ပူးပေါင်းရင်းမြစ်များ

EXODUS 3:14

Pathian nih, “Keimah kasi a ti mi kha kasi, a ti. ‘Keimah kasi titu nih nan sinah hawng ka fial asi, na ti ding asi,” a ti.

THUFING LASUIBU 8:36

Kei hawng ka tawnglotu chu amah nganfâk â pêk mi asi. Âuzawng hawng ka huatu chu thih a duh mi asi.”

MATHAI 24:5

Mi tam tak nih, ‘Mesia chu kasi,’ ti hen, keimah min sâl hen an hawng kal lai le, mi tam tak an perpet awt ruangah.

MARK 13:6

Mi tam tak nih, ‘Mesia chu kasi,’ ti hen, keimah min sâl hen an hawng kal lai le, mi tam tak an perpet lai.

MARK 16:16

A lung hen baptis hen a um mi chu ruangsuak hen a um lai le, a lunglotu lam chu mawh hen a um lai.

LUK 21:8

Chun, anih nih chun, “An perpet na lonâk ding hen a thiamthih u. Mi tam tak nih, ‘Amah chu kasi, a tik a tlung rawh,’ ti hen, keimah min sâl hen an hawng lai; chu minung tla chu zûl lah na u.

JOHAN 13:19

Tu thawk hen a hawng tlung lânah ka nan simh na hi, a hawng tlung tikah kei hi amah kha kasi ti nan lung khonâk ding hen.

JOHAN 3:18

Âuzawng amah zumhtu chu mawh hen an um lo; âuzawng zumhlotu chu mawh chia hen an um, Pathian Fapa neihlem min an zumh lo ruangah.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 4:26

Chun, Jisu nih a sinah, “Keimah a nan sawnhtu hi amah chu kasi,” a ti.

JOHAN 8:21

Chun, anih nih chun an sinah, “Ka kal ving awt, nannih nih nan ka hâwl lai le, nan sual mawhnâk lakah nan thi lai; ka kalnâk ding ah nan hawng kal kho lai loh,” a ti nawlh.

JOHAN 8:25

Chun, annih nih chun a sinah, “Âu me na si?” an ti. Jisu nih an sinah, “A tîr thawk hen nan sinah ka sim tâwn kha.

JOHAN 8:28

Chuvachun, Jisu nih, “Nannih nih Minung Fapa hi nan thlâi tikah, anih chu kasi ti leh kei nih mah thu hen zei thil khawm ka ti lo, Pa nih hawng ka simh hâwi vima hen hi bang thu hi ka sim dauh asi ti nan theih teh lai.

JOHAN 8:58

Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

THILTI 4:12

Midang âu sin khawm ah ruangsuaknâk a um lo; laikulh ah minung min sak lakah ruang hawng kan suah khotu ding min dang rerêng an um lo,” a ti.

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.