JOHAN 8:23 - Bawm Common Language Bible Version

²³ Chun, anih nih chun an sinah, “Nannih tanglei thawk hen suak nan si; kei lam chu tlûnlei thawk hen suak kasi; nannih laikulh a suak nan si; kei lam chu hi laikulh a suak kasi lo.

JOHAN 8:23 ပူးပေါင်းရင်းမြစ်များ

SAM 17:4

Midang tla hâwi hen thu ṭhalo ka sim lo; Na thupêk ka ngâi hen siatnâk lampi ah ka kal lo.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 17:14

Na thu an sinah ka pêk rawh le; chun, laikulh nih annih chu an hua le, laikulh ah mi ansi lo ruangah, kei laikulh ah mi kasi lo hâwi hen.

JOHAN 17:16

Annih chu laikulh ah mi ansi lo, kei laikulh ah mi kasi lo hâwi hen.

JOHAN 3:13

Vân ah âukhawm an kâi dahlo, Minung Fapa vân thawk hen hawng ṭum mi cho lo hi chu.

JOHAN 3:31

“Tlûnlei thawk hen a hawng kal mi chu mi zawzawng ngâk hen chungnung chem asi; tual ah suak mi chu tual ah mi asi le, tual thu a sim tâwn, vân thawk hen a hawng kal mi chu mi zawzawng ngâk hen chungnung chem asi.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.