JOHAN 8:20 - Bawm Common Language Bible Version

²⁰ Chubang thu chu Pathian Biakin ah a sîntir na liauah, thawhlâwm siahnâk mun ah a sim le; âukhawm nih amah an tleih lo, a tik a tlung lo rih ruangah.

JOHAN 8:20 ပူးပေါင်းရင်းမြစ်များ

1 CHRONICLES 9:26

Vêngtu lû chem pali chu Levi chi an si, mawhphurhnâk lian tingtu an si chawlh. Biakin ah thil-le-rî kil leh kardang tla zauhkhenh ding hen khawm mawhphurhnâk anna ting.

MATHAI 26:55

Chu liau tak chun Jisu nih mi zapi tla sinah chun, “Nâmsâu tla, talhbo tla put hen rawkmang tleih ding hâwi hen hawng ka tleih ding hen nan hawng suak mu? Pathian Biakin ah nisiar sîntir na hen ka to le, nan ka tleih ṭung lo.

MATHAI 27:6

Chun, bâwlpu lal tla nih chun tangka shekel tla chu an lâk le, “Hi hi Biakin thawhlâwm bâwm ah siah a thiang lo, thisen man asi ruangah,” an ti.

MARK 12:41

Chun, thawhlâwm bâwm zâwn ah chun Jisu chu a to, thawhlâwm ah mi zapi tla tangka thlâk zia chu a zauh le; minei tam tak nih cherkhet an tlâk.

MARK 12:43

Chun, Jisu nih chun a ṭhiruai tla chu a kawh na le, an sinah, “Thungâi tak hen ka nan simh na, thawhlâwm bâwm ah thlâktu dang zawzawng ngâk hen hi numei pâm tak nih a thlâk tam dauh.

LUK 20:19

Chun, chu liau takah chun Dân sîntirtu tla leh bâwlpu lal tla nih tleih an tum le, sikhawmsele mi zapi chu an ṭih le, chu tahṭhimh thu chu anmah ti san hen a sim ti an theih ruangah.

LUK 21:1

Chun, a chuanh le, mi nei tla nih thawhlâwm bâwm ah an thawhlâwm thlâk liau a muh.

JOHAN 10:39

Chun, anih chu tleih an tum nawlh le, sikhawmsele, an kut lakah mi a suak rawh.

JOHAN 2:4

Chun, Jisu nih a sinah, “Nu, nangnih na ka theih piak ding zei me a um? Ka tik a tlung lo rih,” a ti,

JOHAN 7:14

Chun, kût lâikhing ah, Jisu Pathian Biakin ah a va kal le, a sîntir na.

JOHAN 7:30

Chuvachun, anih chu tleih an tum le, sikhawmsele a tik a tlung lo rih ruangah âukhawm nih a tlûnah kut an thlâk lo.

JOHAN 7:44

Zeimaw mi nih chun tleih an duh le, sikhawmsele âukhawm nih kut an thlâk lo.

JOHAN 7:8

Nannih kûtnâk ah va kal u, kei lam chu kûtnâk ah hin ka kal awtlo rih, ka tik a tlung lo rih ruangah,” a ti.

JOHAN 8:2

Chun, zîng ah Pathian Biakin ah a lût nawlh le, mi zawzawng a sinah an hawng kal le, chun, anih chu a to le, anmah tla a sîntir na.

JOHAN 8:59

Chuvachun, a sehnâk lung an sar le, sikhawmsele Jisu â thup le, Pathian Biakin ah mi chu a suak rawh.