JOHAN 8:19 - Bawm Common Language Bible Version

¹⁹ Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

JOHAN 8:19 ပူးပေါင်းရင်းမြစ်များ

JEREMIA 22:16

Mipâm tla chu nunsimhnâk ṭha tak a pêk le, an ektê hen ṭha tak hen an zûl. Chu chu asi LALPA theihtu umdân chu.

JEREMIA 24:7

Kei, LALPA kasi ti theih ding duhnâk ka pêk na lai. Churawhchun, ka sinah an thinlung zawzawng hen an hawng kîr awt rawh ruangah annih chu ka mi le an si lai le, Kei, an Pathian kasi lai.

MATHAI 11:25

Chu liau chun Jisu nih, “Aw ka Pa, tual leh vân Lalpa, nangnih mifing leh mi fâifîm tla sinah hi bang thu hi na pheh, nâusêm tla sinah na phuang ruangah hin ka nan sawr.

JOHAN 1:10

Anih chu laikulh ah a um, laikulh amah siam asi, laikulh nih amah an theih lo.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 15:21

Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 7:28

Churuang chun Jisu nih Pathian Biakin ah a sîntir na pah hen a âu le, “Nannih nih nan ka theih, zei thawk hen ka hawng kal ti nan theih. Sikhawmsele mah thu hen hawng kasi lo, hawng ka fialtu chu mi dik tak asi, anih chu nan theih lo.

1 KORIN 15:34

Rep tak hen lungfîm ule, thilsual ti lah u. Zeimaw mi nih chun Pathian theihnâk rêng nan nei lo hi; hi hi nan ningzaknâk ding hen ka sim asi.

GALATIA 4:9

Tuah Pathian nan theih nûnah lam chun asi lo, Pathian mi theih nan hawng si nûn hin ti ding asi dauh, thilbul chak lo leh dawrlâp sal ah um mi leh nan duhnâk leikângah chun zeitin zia kîr nawlh me nan si? Zei rangah chu tla sal ah um ding nan duh nawlh êu?

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

KOLOSA 1:15

Anih chu muh kho lo Pathian banghpi thilsiam zawzawng ngâk a sâng hen suak masa chem chu asi;

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

1 JOHAN 2:23

Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

2 JOHAN 1:9

Âuzawng Krist sîntirnâk thu ah um lo hen a lei a kaih chun Pathian a nei lo. Âuzawng chu sîntirnâk ah a um asi chun Pa leh Fapa a nei vevê asi.