JOHAN 8:15 - Bawm Common Language Bible Version

¹⁵ Nannih nih minung ngaihdân hâwi hen lâi nan rêl tâwn; kei lam nih chun âukhawm an lâi ka rêl lo.

JOHAN 8:15 ပူးပေါင်းရင်းမြစ်များ

AMOS 5:7

Nannih diknâk hen rual rêt mi leh midang perpettu tla nan vânduai rawh!

AMOS 6:12

Lung tlûnah rang a tek lai ma? Mi nih chawchal hen tipi an nâwn ma? Sikhawmsele repnâk chu tûr ah nan changtir le, diknâk chu diklonâk ah nan changtir.

HABAKUK 1:4

Dân tla chu a chak lo hen mang tlâklo hen a um le, diknâk khawm mang asi lo. Misual nih mirep ngâk hen ṭhat dauhnâk a lawh le, diknâk chu diklo hen a kal rawh.

LUK 12:14

Sikhawmsele, anih nih chun a sinah, “Minung, nannih tlûnah âunih me lâirêltu ah leh sum ṭhenhtu ah hawng ka siam?” a ti.

JOHAN 12:47

Âuzawng ka thusim theih hen, ngâilo sele; kei nih a lâi ka rêl lo; laikulh lâirêl ding hen hawng kal kasi lo le, laikulh ruangsuah ding hen hawng kal kasi dauh.

JOHAN 18:36

Jisu nih “Lalchem ka sinâk chu hi laikulh thawk hen mi asi lo. Lalchem ka sinâk chu hi laikulh thawk mi si sele, ka to-aw tla nih an do lai; Juda tla sinah pêk hen ka um lonâk ding hen; sikhawmsele, lalchem ka sinâk chu hinah thawk hen mi hi asi lo,” a ti le, a sâng.

JOHAN 3:17

Laikulh mawhtir ding hen Pathian nih a Fapa laikulh ah a fial lo, laikulh amah ruangah ruangsuah hen an um khonâk ding hen a fial dauh asi.

JOHAN 7:24

Mitmâi zauh hen thu thlûk lah ule, rep tak hen thlûk dauh u,” a ti.

JOHAN 8:11

Chun, anih nih chun, “Lalpa, âukhawm nih an hawng ka mawhtir lo,” a ti. Chun, Jisu nih a sinah, “Kei khawm nih ka nan mawhtir lo; kal le, tu thawk hen sual lah rawh,” a ti.]

ROM 2:1

Churuangah, ka hâwi tla, midang tla tlûnah lâi nan rêl mu? Mi âutal si khawm ule, ngaihdamnâk rerêng nan nei lo. Midang lâi nan rêl liauah chu hâwi thil an ti mi tla hâwi nan ti bâk tâwn ruangah nanmah leh nanmah nanna mawhtir asi.

1 KORIN 2:15

Thlarau lam nih chun thil zeizawng a theihfiang tâwn, amah chu âukhawm nih an theihfiang lo.

2 KORIN 5:16

Churuang chun tu thawk hen kannih lam nih chun taksa leiah chun âukhawm kan theih lai lo rawh; taksa leiah Krist chu theih rawh khawmsele tu lam chun kan theih nawlh lo rawh.

JEM 2:4

nan thinlung ah thliarnâk nei hen, dawnruatnâk sual put hen, simsâwitu nan si awtlo ma?

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.