JOHAN 7:39 - Bawm Common Language Bible Version

³⁹ Chu thu chu a zumhtu tla nih Thlarau an nei ding thu a sim asi; Thlarau chu pêk asi lo rih, Jisu chu chawnglawmh hen a um lo rih ruangah.

JOHAN 7:39 ပူးပေါင်းရင်းမြစ်များ

SAM 68:18

Tlûnlei a sângnâk ah a sal tleih tam tak put hen a kâi le, thilpêk tla chu mi hel tla thawk hen a tawng. LALPA chu chunah chun a um lai.

THUFING LASUIBU 1:23

Nun ka nan simh liau hin ngâi. Krai ṭha tak ka nan pêk lai le, ka theihnâk ka nan ṭhenh lai.

ISAI 12:3

A tîhâl mi tla rangah tî thenhlimh nih lawmhnâk a pêk mi hâwi hen, Pathian nih a mi tla ruang a suah na liauah anna lâwm,” ti hen.

ISAI 32:15

Sikhawmsele, veikhat chu Pathian nih kan lakah a thlarau a hawng fial nawlh lai. Ram â râwk rawh mi chu a hawng ningno nawlh lai le, phâisen tla khawm nih thlâi tam tak a hawng suah nawlh lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

JOEL 2:28

“Chu nûn chun mikip sinah ka thlarau ka tawih na lai le, nan fapa leh nan fanu nih ka thuchah an phuang lai; nan tarpa tla nih mang an manh lai le, nan tlangvâl tla nih langhnâk an muh lai.

MATHAI 16:14

Chun annih nih chun, “Mi zeimaw mi nih, ‘Baptistu Johan asi,’ an ti; zeimaw mi nih, ‘Elija asi,’ an ti; zeimaw mi nih, ‘Jeremia mawh khuavâng âumawh asi,’ an ti,” an ti.

MATHAI 21:11

Chun, mi zapi tla nih chun, “Hi minung hi khuavâng Jisu, Galili ram ah Nazaret mi chu asi,” an ti.

LUK 24:49

Chun, ka Pa thil tiamh chu nan tlûnah ka hawng fial awt; sikhawmsele, tlûn leiah mi thiltikhonâk hen thuamh nan si lânlo chu khuapi ah hin um kumza u,” a ti.

LUK 3:16

Johan nih chun a sâng le, an ektê sinah, “Kei nih chun tî hen ka nan baptis na tâwn le; sikhawmsele, keimah ngâk hen mi rokual a hawng kal awt, a pheikawk rî sût tlâk khawm kasi lo; anih nih chun Thlarau Thenhlimh leh mei hen a nan baptis na lai.

LUK 7:16

Chun, mi zawzawng nih an ṭih le, Pathian an sawr le, “Kan lakah khuavâng rokual tak a hawng um rawh,” an ti le, “Pathian nih a mi tla a hawng veh na rawh asi,” an ti.

JOHAN 1:21

Chun annih nih chun a sinah, “Âu me na si ne?” Elija na si ma? an ti le, an deih. Chun, anih nih chun “Ka si lo,” a ti. “Khuavâng chu na si ma?” an ti. Chun, anih nih chun, “Ka si lo,” a ti le, a sâng.

JOHAN 1:25

Chun, annih nih chun a sinah, “Mesia tal, Elija tal, Khuavâng khawm chu na si lêmlo chun, zei rangah na baptis na ne?” an ti le, an deih.

JOHAN 1:33

Amah chu ka theih lo le, sikhawmsele, tî hen baptis ding hen hawng ka fialtu nih khan ka sinah, ‘Âu tlûn zawng ah Thlarau hawng ṭum hen, a tlûnah um ko na muh mi chu, amah chu Thlarau Thenhlimh hen baptistu ding chu asi,’ hawng ka ti.

JOHAN 12:16

Chubang chu a tîr chun a ṭhiruai tla nih an theih lo le; sikhawmsele, Jisu chawnglawmh hen a um nûnah chun a thâwngthâng lakah chubang thu chu rîn asi ti leh a tlûnah chubang thil chu an hawng ti asi ti an hawng theih rawh.

JOHAN 12:23

Chun, Jisu nih a sâng le, an sinah, “Minung Fapa chawnglawmh hen a um ding tik chu a tlung rawh.

JOHAN 14:13

Chun, ka min hen zeizawng nan deih mi vial chu ka ti vima lai, Pa Fapa ruangah chawnglawmh hen a um khonâk ding hen.

JOHAN 14:26

Chun, ṭangpitu, Thlarau Thenhlimh Pa nih ka min hen a hawng fial ding mi nih khan chu nih chun zeizawng a nan sîntir na lai le, nan sinah ka sim rawh mi zawzawng an theihtir nawlh na lai.

JOHAN 16:14

Anih nih chun kei hawng ka chawnglawmh lai; ka tâ lakah mi a lâk lai le, nan sinah a phuang awt asi.

JOHAN 16:7

Sikhawmsele, thudik ka nan simh na; ka kal nan rangah a ṭha; ka kal lo chun, ṭangpitu chu nan sinah a hawng kal awtlo; ka kal lam chun nan sinah ka hawng fial lai.

JOHAN 17:1

Chubang thu chu Jisu nih a sim le; vân lei zauh hen, “Pa, a tik a tlung rawh. Na Fapa chawnglawmh rawh, Fapa nih a nan chawnglawmhnâk ding hen;

JOHAN 17:5

Pa, laikulh um lânah na sinah rokualnâk ka nei mi hen khan, tu ah nangmah sin ngelchel ah hawng ka chawnglawmh rawh.

JOHAN 20:22

Chun, chubang thu chu a sim thluh ah chun an tlûnah a thâw a suah le, an sinah, “Thlarau Thenhlimh nei u.

JOHAN 6:14

Chun, mi zapi nih chun singsiahnâk chu an muh ka hen, “Hi minung hi, Khuavâng laikulh ah a hawng kal ding chu asi tatak mahi!” an ti.

JOHAN 7:12

Chun, a thu mi zapi lakah mi nih anna chaih chur; a zeimaw mi nih, “Mi ṭha asi,” an ti; midang nih, “Silo, mi zapi a perpet dauh asi,” an ti.

JOHAN 8:54

Jisu nih, ‘Mah a chawnglawmh sele ka rokualnâk zeikhawm asi lai lo; ‘Kan Pathian’ nan ti mi ka Pa chu, hawng ka chawnglawmhtu asi;

THILTI 19:2

Chun, anih nih chun an sinah, “Nan lung tîr liau khan Thlarau Thenhlimh nan tawng ma?” a ti. Chun, annih nih chun a sinah, “Tawng lo, Thlarau Thenhlimh a um ti rerêng khawm theih khawm kan theih loh,” an ti.

THILTI 2:17

‘Pathian nih ni madung tla ah chun, mi zawzawng tlûnah ka Thlarau ka tawih lai le, nan fapa tla leh nan fanu tla nih ka thu an sim lai, nan tlangvâl tla nih muhtirnâk an muh lai, chun tar tla nih mang tla an manh lai.

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

THILTI 2:38

Chun, Peter nih chun an sinah, “Rim ule, nan sual tla ngaihdamnâk ding hen Jisu Krist min hen baptis hen um chiau u, chun Thlarau Thenhlimh pêk mi hi nan tawng lai.

THILTI 2:4

Chun, an ektê hen Thlarau Thenhlimh hen an hawng khat ver le, Thlarau nih a hawlhtir hâwi vima hen hawlh dang hen an hawng hawlh rawh.

THILTI 3:13

Abraham, Isak, Jakob tla Pathian, hawng kan thlâktu tla Pathian nih chun a To-aw Jisu a chawnglawmh rawh asi. Anih chu nan tleihtir le, Pilat nih suah a tum khawm ah a mâika ah nan duh lo kha.

THILTI 4:31

Chun, thla an cham thluh nûnah anna pûmnâk mun chu a hawng a nîn le, an ektê hen Thlarau Thenhlimh hen an hawng khat le, râlṭha tak hen Pathian thu an sim rawh.

ROM 8:9

Sikhawmsele, Pathian Thlarau nanmah lakah a um tatak chun taksa ah um nan si lo le, Thlarau ah um nan si dauh. Khawmsele, âukhawm Krist thlarau nei lo mi chu amah lakah mi asi lo,

2 KORIN 3:8

Thlarau rianṭuannâk chu zei hâwi tluk a rokual hen dek a hawng tlung lai!

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.