JOHAN 7:37 - Bawm Common Language Bible Version

³⁷ Chun, Kût ṭiak awt ni, ni rokual takah chun, Jisu a dîr le, a âu le, “Âuzawng a tîhâl mi chu ka sinah hawng kal sele din seh.

JOHAN 7:37 ပူးပေါင်းရင်းမြစ်များ

NEHEMIAH 8:18

Chu kût ni, ni khat thawk hen a dawngh tiang hen Pathian Dân nisiar rêlnâk a bîk hen an nei. Ni sarih an mang, a ni riat ni ah chun Dân ah um mi hâwi hen a hun chu khâr asi rawh.

SAM 143:6

Thlacham hen nangmah leiah ka bân ka hawng phar, tual a châr mi hâwi hen ka thlarau na lakah a tîhâl.

SAM 42:2

Nangmah Pathian duh hen ka tî a hâl; zei tikah na mâika ah hawng hen ka nan sawnh kho lai?

SAM 63:1

Nang, ka Pathian na si le, ka nan ngâi. Ka taksa pumpiluk nih a nan ngâi; na lakah ka thinlung a tîhâl, ram tî nei lo, a châr mi hâwi hen.

THUFING LASUIBU 1:20

Sumtuah mun ah leh zâwllâi ah finghnâk a âu mi chu ngâi le!

THUFING LASUIBU 8:1

Finghnâk a âu mi chu ngâi! A san chu amah nih a theih.

THUFING LASUIBU 8:17

Hawng ka dâwttu chu ka dâwt le, hawng ka hâwltu zawng nih an ka tawng lai.

THUFING LASUIBU 8:3

Khuapi lûtnâk kulh kawtkâ kiangah a âu:

THUFING LASUIBU 9:3

Khuapi lakah mun sâng ah mi auh ding hen a nungâk tla a fial na:

LA TLA LA 5:1

Ka lungduh, ka nupi, ka dûm ah ka lût. Ka rimthâw leh murrah ka pumh; ka khuaitizû leh a thlâr tla ka ei; uain leh nûk ka din. Nunau tla nih Hawng ka duhtu, din le ei rawh, dâwtnâk hen na khim lânlo din rawh! Nunau nih

ISAI 12:3

A tîhâl mi tla rangah tî thenhlimh nih lawmhnâk a pêk mi hâwi hen, Pathian nih a mi tla ruang a suah na liauah anna lâwm,” ti hen.

ISAI 40:2

Jerusalem mi tla chu fawrh na u. An tuar khawm a sâwt tâwk rawh, tu chun an sual khawm ngaihdam asi rawh ti simh na u. An sualnâk ruangah tling zat hen ka rep na rawh,” a ti.

ISAI 40:6

Âu hâu a hawng suak le, “Thuchah sim!” ti hen. Kei nih, “Zei thuchah ka sim lai?” ti hen ka deih. Anih nih, “Minung tla chu belh hâwi an si; mâng ah mi chawmpâr ngâk hen an sân a sâu dauh lêm lo.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 55:1

LALPA nih, “A tîhâl mi zawng hawng u- hinah tî a um! Tangka nei lo mi tla hawng ule, Fâng châwk ule ei u! Hawng u! Nûk leh uain tla châwk u- Zeikhawm nan hêu lai lo!

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

ISAI 58:1

LALPA nih, “A fâk kho rirî hen âu le, ka mi Israel tla an sual thu simh na.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JEREMIA 2:2

hi thuchah hi phuang ding hen hawng ka simh. “Na ngâksia liauah zumh na kâi zia tla, kanna umhtîr liauah na ka dâwt zia tla; ramkaro ah vât dahlo mi ram ah na hawng ka zûl mi tla kha ka theihkumza.

EZEKIEL 47:9

Chu tiva chu a luangnâk zawng ah ran chi kip leh nga chi kip an um lai. Chu tiva nih chun Tipi Thi tî chu tî thar ah a siam lai le, a luangnâk zawng ah nungnâk a pêk lai.

LEVITICUS 23:36

Chu ni sarih kar vial chu nisiar eiphung thil ap pêk ding asi. A ni riat ni khawm Pathian sawnh ding hen nanna pûm lai le, eiphung thil ap pêk ding asi. Pathian sawnh ni asi, âukhawm rian nan ṭuan ding asi lo.

LEVITICUS 23:39

Nan phâisen fâng nan ât tikah ni sarih sung kûtnâk hi a thla sarihnâk ni leinga ni ah dawmh u. A ni masa chem chu a bîk hen dinhnâk ni asi lai.

MIKAH 6:9

LALPA ṭih chu fingnâk asi. Khuapi a auh le, “Nannih khuapi ah a pûmtu tla, ka thu ngâi u!

ZEKARIA 9:15

LALPA Zeizawng tikho nih a mi tla chu a hum na lai le, an mêlma tla chu an veih na lai rawh. Zurî hâwi hen râltuknâk ah chun an âu lai le, bâwlnâk thisen mâichâm tlûnah khêng lakah mi an thlêt le, a luang mi hâwi hen an mêlma tla thisen an luangtir lai.

NUMBER 29:35

A ni riat ni ah chun Pathian sawnh ding hen a pûm ule, rian ṭuan lah u.

MATHAI 11:28

“Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

MATHAI 3:3

Amah chu asi khuavâng Isai nih, “Ramkaro ah mi âu hâu nih chun, ‘Lalpa lampi sial ule, a lam tla dingtir u!’ ” ti hen, a sim mi kha.

MATHAI 5:6

“Repnâk ruangah sungvâng tîhâl tla chu an thaw a suak, an khim awt ruangah!

JOHAN 1:23

Chun, anih nih chun, “ ‘Lalpa lampi dingtir u,’ ti hen, ‘ramkaro ah âutu aw-hâu kasi,’ ” Khuavâng Isai sim hâwi khan, a ti.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 4:10

Chun Jisu nih a sâng le, a sinah, “Pathian thilpêk le, Din ding hawng ka pêk,’ na sinah titu hi theih le chu, nangnih a sinah na deih dauh ding asi, chun, anih nih tî nung a nan pêk rawh ding asi,” a ti.

JOHAN 4:11

Chun, nunau nih chun a sinah, “Pu, a thannâk zeikhawm na nei lo mi, tikhurchawh a thûk thlo mi, kha zei a mi tî nung na tawng?

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 5:40

Sikhawmsele, nungnâk nei ding hen ka sinah nan hawng duh lo.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:55

Ka taksa hi buh tak asi, ka thisen hi din ding tak asi.

JOHAN 7:28

Churuang chun Jisu nih Pathian Biakin ah a sîntir na pah hen a âu le, “Nannih nih nan ka theih, zei thawk hen ka hawng kal ti nan theih. Sikhawmsele mah thu hen hawng kasi lo, hawng ka fialtu chu mi dik tak asi, anih chu nan theih lo.

1 KORIN 10:21

Lalpa hâi leh khuri hâi munkhat hen nan din kawp kho lai loh; Lalpa dawhkân ah mi leh khuri dawhkân ah mi munkhat hen nan ei kawp kho lai loh.

1 KORIN 10:4

an ektê hen thlarau lei din ding munkhat hen an din chiau kha; anmah tla zûltu thlarau lei lungpi ah mi kha an din chiau; chu lungpi chu Krist chu asi.

1 KORIN 11:25

Chu hâwi ber hen, zânriah ei thluh ah hâi khawm chu a lâk le, “Hi hâi hi ka thisen, a thutiam thar chu asi, nan din kip ah nan hawng ka theihkumzanâk ding hen hi hi ti tâwn u" a ti kha.

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.

EPHESI 5:18

Chun, uain rî hen um lah u, chu lak chun sûmkholonâk a um ruangah; Thlarau a khat hen um dauh u.

THUPHUANG 21:6

Chun, hi hawi hen a sim le, “Â lîm rawh, kei Alpha leh Omega, a bul leh a dawng kasi, a tîhâl mi zawng sinah nungnâk tiva ah mi a thawt hen ka pêk lai.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.