JOHAN 7:31 - Bawm Common Language Bible Version

³¹ Mi zapi lakah tam tak lam nih chun anih chu an zumh le, “Mesia chu a hawng tikah hi minung ngâk hen tam dauh singsiahnâk a hawng ti lai mazei?” an ti.

JOHAN 7:31 ပူးပေါင်းရင်းမြစ်များ

MATHAI 12:23

Chun, mi zapi tla zawzawng nih chun thungâi chê an ti le, “Hi minung hi David Fapa asi lo mazei?” an ti.

LUK 8:13

Chun, lungpher tlûnah chî a tlâ mi chu an theih kâ hen thu chu lâwm tak hen tleih mi tla an si; sikhawmsele, ram an nei lo; sâwtlotê chu an lung le, lêmnâk tawng tikah an bângtâk nawlh tâwn.

JOHAN 11:45

Churuang chun Mari sinah an hawng mi Jisu thilti muhtu Juda tla lakah cherkhet nih amah an zumh rawh.

JOHAN 12:11

Amah ruangah Juda tla cherkhet nih an kaltâk na le, Jisu an zumh ruangah.

JOHAN 12:42

Sikhawmsele, lâirêltu tla lakah cherkhet khawm nih Jisu an zumh rawh le; sikhawmsele Farisai tla ruangah anna phuang lo, chu lo chun pumhnâk in ah mi nar hen an um lai:

JOHAN 2:11

Jisu nih singsiahnâk a ti masa chemnâk hi Galili ram ah Kana ah chun a ti le, a rokual zia a langhtir rawh; chun, a ṭhiruai tla nih chun amah chu an zumh rawh.

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

JOHAN 4:29

“Ka thilti zawzawng hawng ka simh vimatu mi pakhat a um, hawng kal ule, zauhnik u, Mesia asi kho lai ma?” a ti.

JOHAN 4:39

Chun, nunau nih chun, “Ka thilti zawzawng a hawng ka simh vima,” ti hen, a theihtir mi thu ruang khan, chu khua mi Samaria mi tam tak nih Jisu an zumh rawh.

JOHAN 6:2

Chun, damlo tla tlûnah singsiahnâk a ti mi tla chu an muh ruangah mi zapi tam tak nih amah an zûl.

JOHAN 7:26

Zauhnik u, langngân hen thu a sim le, a sinah zeikhawm an sim lo. Amah hi Mesia asi ti lâirêltu tla nih an theih tatak menmaw?

JOHAN 9:16

Chun, Farisai tla zeimaw mi nih, “Chu minung chu Dinhni a khunhriah lo ruangah, Pathian sinah thawk hen suak asi lai loh,” an ti. Zeimaw mi lam nih chun, “Misual nih hi hâwi thilchê zeitin a ti kho lai?” an ti. Chun, anmah lakah ṭhennâk a hawng um rawh.

THILTI 8:13

Chun, Simon men nih a lung bâk rawh; chun baptis asi rawh chun Philip sinah a um ko le, singsiahnâk leh thilchê tak tla a ti mi a muh le, thungâi chê a ti tâwn.

JEM 2:26

Thlarau tello hen taksa chu thi asi, chu hâwi ber hen thilti tello hen lungnâk khawm chu thi asi.