JOHAN 7:28 - Bawm Common Language Bible Version

²⁸ Churuang chun Jisu nih Pathian Biakin ah a sîntir na pah hen a âu le, “Nannih nih nan ka theih, zei thawk hen ka hawng kal ti nan theih. Sikhawmsele mah thu hen hawng kasi lo, hawng ka fialtu chu mi dik tak asi, anih chu nan theih lo.

JOHAN 7:28 ပူးပေါင်းရင်းမြစ်များ

SAM 9:10

LALPA, a nan theihtu nih chun a nan zumh lai; na sinah hawngtu tla chu âukhawm na nar loh.

JEREMIA 31:34

A mêchem thawk hen a lianchem mi nih an ka theih awt ruangah, ram lakah mi âukhawm nih LALPA theih ding hen an hâwi le tla sîntir an herh lai lo rawh. An sual tla ka ngaihdam na lai le, an thilsual ti khawm ka theihkumza lai lo rawh. Kei, LALPA nih ka sim asi,” a ti.

HOSEA 4:1

LALPA nih hi ram ah um mi tla tlûnah simsâwinâk a hawng tlungtir awt. Israel, thu a sim mi chu ngâi rawh, “Ram lakah mi zumhkâi leh dâwttu âukhawm an um lo, mi tla nih Pathian ah khawm an hawng ka ruat lo.

HOSEA 5:4

Pathian sinah an hawng kîr ding mi an thilsual ti nih a kham pang. Milem an sawnhnâk a zual tuktarâi le, LALPA an theih phah lo rê.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 2:23

“Anih chu ‘Nazaret mi’ an ti lai,” ti hen khuavâng tla kâ ah a sim mi kha a hawng tlung khonâk ding hen.

MATHAI 26:55

Chu liau tak chun Jisu nih mi zapi tla sinah chun, “Nâmsâu tla, talhbo tla put hen rawkmang tleih ding hâwi hen hawng ka tleih ding hen nan hawng suak mu? Pathian Biakin ah nisiar sîntir na hen ka to le, nan ka tleih ṭung lo.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

LUK 2:11

Tusûn ah hin nan rangah David khua ah Ruangsuahtu a suak rawh-Lalpa Krist chu!

LUK 2:39

Chun, Lalpa Dân hâwi vima hen thil zawzawng an ti rawh chun Galili ram ah anmah khua Nazaret ah chun an tlung nawlh rawh.

LUK 2:4

Chun, Josef khawm David dâwngsung tla leh a thlâk asi ruangah Galili ram ah Nazaret khua thawk hen,

LUK 2:51

Chun, an sinah a kal le, Nazaret chu an va tleng le, an thu zâwt hen a um. Chun, a nu nih chun chubang thil zawzawng chu a thinlung ah a kil ko.

JOHAN 1:46

Chun, Nathanael nih chun a sinah, “Nazaret ah thil ṭha a suak kho mazei?” a ti. Philip nih chun a sinah, “Hawng le zauh,” a ti.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 12:49

Keimah phuak sawm hen ka sim lo; Pa hawng ka fialtu nih ka sim ding leh ka ruat ding hi, thu hawng ka pêk dauh asi.

JOHAN 14:10

Kei Pa lakah ka um leh Pa keimah lakah a um ti na lung lo ma? Nan sinah thu ka sim mi hi, keimah phuak sawm hen ka sim lo; Pa keimah lakah a um kumza le, a thil a ti dauh tâwn asi.

JOHAN 14:31

Sikhawmsele, kei nih Pa ka dâwt leh Pa nih thu hawng ka pêk hâwi vima hen thil ka ti; laikulh nih an theih khonâk ding hen asi hi. “Thawk u, hin a mi hi kan kal lai.”

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

JOHAN 3:33

A thu theihtirnâk pawm mi nih ‘Pathian chu a dik asi,’ ti a singsiah.

JOHAN 5:32

Ka thâwngthâng theihtirtu chu midang asi; anih nih chun ka thâwngthâng a theihtir mi chu a dik ti ka theih.

JOHAN 5:43

Ka Pa min hen ka hawng mi asi, nannih nih nan ka pawm lo; midang amah min hen hawng sele, anih chu nan pawm lai.

JOHAN 6:42

“Hi minung hi Josef fa Jisu asi lo ma? a nu leh a pa khawm kan theih. ‘Vân thawk hen hawng ṭum kasi,’ zeitin a ti zia?” an ti.

JOHAN 7:14

Chun, kût lâikhing ah, Jisu Pathian Biakin ah a va kal le, a sîntir na.

JOHAN 8:14

Jisu nih an sinah, “Mah thu theihtir khawmsele, ka thu theihtir a dik asi; kei nih ka hawng suaknâk leh ka kalnâk lei ding khawm ka theih; nannih lam nih chun ka hawng suaknâk leh ka kalnâk ding lei khawm nan theih lo.

JOHAN 8:16

Lâirêl khawmsele ka lâirêlnâk a dik; keimah lâwng kasi lo le, kei leh Pa, hawng ka fialtu kan si dauh ruangah.

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

JOHAN 8:26

Nannih thu lakah hin thil tam tak sim le ruat ding ka nei; zeikhawm si sele, hawng ka fialtu chu mi dik tak asi; a sinah thu ka theih mi vial laikulh sinah ka simh,” a ti.

JOHAN 8:42

Jisu nih an sinah, “Pathian nan pa asi chun, nan hawng ka dâwt lai; Pathian sinah suak le, amah sin thawk hen hawng kal kasi; keimah thu hen hawng kal kasi lo, amah fial mi kasi dauh.

JOHAN 9:29

Pathian nih Mosi a sawnh ti kan theih, hi minung lam hi chu zei thawk hen hawng suak me asi ti kan theih loh,” an ti.

THILTI 17:23

Ka tawih pah hen nan sawnh mi tla ka zauh liauah, mâichâm pakhat tlûnah, “Theih loh Pathian sinah,” ti hen, rîn ka muh asi. Chun, theihlo hen nan sawnh tâwn mi kha, chu thu chu ka nan simh na hi.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

ROM 3:4

Si lo e, Pathian chu mi dik tak asi le, mikip lam chu âwkrâwl si dauh seh. “Nangnih na thusim ah mawh lo hen na ruat lo, lâirêl hen na um khawm ah na neh kho ding hen,” lâirêl hen Pathian lasui thu nih a sim hâwi khan.

2 KORIN 1:18

Zeital si sele, Pathian chu zumh a kâi hâwi hen, nanmah leikângah kan thu hi, “Asi,” ti leh, ‘Asi lo,” ti asi ṭung lo.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

1 JOHAN 5:10

Âuzawng Pathian Fapa lungtu nih chun a thinlung ah theihpitu a nei asi, Pathian lunglotu lam nih chun amah chu âwkrâwl ah â siam le, Pathian nih a Fapa thâwngthâng a theihtir mi chu a lung lo ruangah.

1 SAMUEL 2:12

Eli fapa tla chu mi rualo tak an si, LALPA thu khawm an ngâilo.