JOHAN 7:17 - Bawm Common Language Bible Version

¹⁷ âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

JOHAN 7:17 ပူးပေါင်းရင်းမြစ်များ

SAM 119:10

Ka thinlung zawzawng hen na rianṭuan ka tum; na dân tla zûl kho ding hen hawng ka kil.

SAM 25:12

LALPA lakah ê-aw ngâitu tla nih chun an kalnâk lei lampi chu a sinah anna sîn lai.

SAM 25:14

LALPA chu amah thu ngâitu rangah chun an hâwikawmh asi le, an sinah a dân thu chu a birhtir.

THUFING LASUIBU 28:5

Misual tla nih repnâk thu an theih lo, sikhawmsele LALPA sawnhtu tla nih chun fiang tak hen an theih.

THUFING LASUIBU 3:32

LALPA nih thilsual titu chu a hua le, sikhawmsele mirep tla lam chu a mi zumh an si.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

DANIAL 12:10

Mi tam tak anna thianh lai. Misual tla nih an theihthiam lai lo le, sual leiah an kal vima lai; a fing mi tla cho nih an theihthiam lai.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

MIKAH 4:2

Chu tla nih chun “LALPA tlângah mi, Israel Pathian Biakin ah kan kal lai. Anih nih ti ding hawng kan duh mi chu hawng kan sîntir awt ruangah; a thîm mi lampi ah chun kan kal lai rawh. LALPA sîntirnâk chu Jerusalem thawk hen a hawng um lai le, a mi tla sinah Zion thawk hen thu a sim lai,” an ti.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 6:22

“Taksa khâwnvâr chu mit hi asi: chuvachun na mit a fîm chun na taksa a pum hen a chêu hep lai.

LUK 8:15

Tual ṭha lakah chî a tlâ mi lam chu hi bang tla hi an si; thinlung rep leh ṭha hen thu an theih le, an chîng thlir le, felfê tak hen an rah tâwn.”

JOHAN 3:21

Sikhawmsele, âuzawng a ti dik mi vial an thilti tla Pathian ruangah ti an si ti a lang khonâk ding hen chêu ah an hawng kal,” a ti.

JOHAN 8:43

Zei rangah ka hawlh umzia nan theihthiam lo? Ka thusim nan ngâi set lo ruangah asi.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

JOHAN 8:47

Pathian sinah thawk hen suak nih chun Pathian thu a ngâi tâwn; hi ruang hin nan ngâilo asi, Pathian sin thawk hen suak nan silo ruangah,” a ti.

THILTI 17:11

Chunah mi tla chu Thesalonika khua tla ngâk chun an ṭha dauh le, chun thinlung lâwm tak hen thu chu an pawm le, an thu chu a dik leh diklo theih ding hen nisiar hen Pathian lasui thu ah an hâwl tâwn.