JOHAN 7:14 - Bawm Common Language Bible Version

¹⁴ Chun, kût lâikhing ah, Jisu Pathian Biakin ah a va kal le, a sîntir na.

JOHAN 7:14 ပူးပေါင်းရင်းမြစ်များ

MALAKI 3:1

LALPA Zeizawng tikho nih a sâng le, “Ka rangah lampi hawng ka siam piak ding hen ka fial awt. LALPA hawng ding hen nan lungum mi chu Biakin ah a hawng sawm lai. Mifial muh ding nan duh mi chu a hawng lai le, ka thudântuk a phuang lai,” a ti.

NUMBER 29:17

A ni nih ah chun chawchal tuai leinih, dawrâ chal panih, dawrâ fa kum khat mi a mipa leili, simsâwinâk umlo mi ap ding asi.

NUMBER 29:20

A ni thum ni ah chawchal tuai leikhat, dawrâ chal panih, dawrâ fa kum khat mi a mipa leili, simsâwinâk umlo mi ver ap u.

MATHAI 21:12

Chun, Jisu chu Pathian Biakin ah a lût le, biakin ah zeilo zuartu tla leh châwktu tla chu a nar na le, tangka thlengtu dawhkân tla leh vaṭhu zuartu tla tophah tla khawm chu a thlûk piak ver na le;

MATHAI 26:55

Chu liau tak chun Jisu nih mi zapi tla sinah chun, “Nâmsâu tla, talhbo tla put hen rawkmang tleih ding hâwi hen hawng ka tleih ding hen nan hawng suak mu? Pathian Biakin ah nisiar sîntir na hen ka to le, nan ka tleih ṭung lo.

LUK 19:47

Chun, nisiar Pathian Biakin ah chun a sîntir tâwn; chun, bâwlpu lal tla leh Dân sîntirtu tla leh mi zatlâng lakah hotu dauh tla nih amah veih ding an tum.

JOHAN 18:20

Jisu nih a sâng le, a sinah,”Laikulh sinah mi zatlâng theih hen, thu ka sim tâwn kha; pumhnâk in leh Pathian Biakin, Juda zawzawng pumhnâk tla ah chun ka sîntir kumza na tâwn kha. A thup hen zeikhawm ka sim lo.

JOHAN 5:14

A nehnûn ah chun Jisu nih anih chu Pathian Biakin ah a muh le, a sinah, “Ngâi rawh, na dam rawh hi, thil sual nawlh lah rawh, chu lo chun thil ṭhalo khun na tlûnah a hawng um sual lai,” a ti.

JOHAN 7:2

Chun, Juda tla Basâ Kût chu a nâi rawh.

JOHAN 7:28

Churuang chun Jisu nih Pathian Biakin ah a sîntir na pah hen a âu le, “Nannih nih nan ka theih, zei thawk hen ka hawng kal ti nan theih. Sikhawmsele mah thu hen hawng kasi lo, hawng ka fialtu chu mi dik tak asi, anih chu nan theih lo.

JOHAN 7:37

Chun, Kût ṭiak awt ni, ni rokual takah chun, Jisu a dîr le, a âu le, “Âuzawng a tîhâl mi chu ka sinah hawng kal sele din seh.

JOHAN 8:2

Chun, zîng ah Pathian Biakin ah a lût nawlh le, mi zawzawng a sinah an hawng kal le, chun, anih chu a to le, anmah tla a sîntir na.

JOHAN 8:20

Chubang thu chu Pathian Biakin ah a sîntir na liauah, thawhlâwm siahnâk mun ah a sim le; âukhawm nih amah an tleih lo, a tik a tlung lo rih ruangah.