JOHAN 7:12 - Bawm Common Language Bible Version

¹² Chun, a thu mi zapi lakah mi nih anna chaih chur; a zeimaw mi nih, “Mi ṭha asi,” an ti; midang nih, “Silo, mi zapi a perpet dauh asi,” an ti.

JOHAN 7:12 ပူးပေါင်းရင်းမြစ်များ

MATHAI 10:25

Sîntu chu a sîntirtu hâwi hen a hawng um mi leh to-aw chu a pu hâwi hen a hawng um mi chu â tâwk. Indâwngpu men ‘Belzebul’ an ti chun, a dâwngsung tla chu an ti ding rêng asi!

MATHAI 21:46

Chun, amah chu tleih an tum le; sikhawmsele mi zapi chu an ṭih fâwn, khuavâng ah an ruat ruangah.

MATHAI 27:63

“Ka pu, chu perpettu nih chun a dam liauah khan, ‘Ni thum nûnah ka thawknawlh lai,’ a ti mi kan theih ko.

LUK 18:19

Chun, Jisu nih a sinah, “Zei rangah ‘ṭha’ na ka ti? Mi pakhat cho lo chu âukhawm ṭha an um lo, chu chu Pathian asi.

LUK 23:47

Chun, kawrsen zâ hotu nih chun thil umzia chu a muh rawh chun, “Hi minung hi zei ti khawm hen mirep asi ngelchel lai,” ti hen, Pathian a sawr rawh.

LUK 23:50

Chun, minung pakhat, a min Josef, lâirêltu, mi ṭha tak, rep tak a um.

LUK 6:45

Mi ṭha nih chun a thinlung robâwm ṭha lakah mi thil ṭha tla a suah tâwn le; misual nih chun a thinlung robâwm sia lakah mi thil sia tla a suah tâwn; a thinlung ah khat mi chu a kâ nih a sim tâwn ruangah.”

LUK 7:16

Chun, mi zawzawng nih an ṭih le, Pathian an sawr le, “Kan lakah khuavâng rokual tak a hawng um rawh,” an ti le, “Pathian nih a mi tla a hawng veh na rawh asi,” an ti.

JOHAN 6:14

Chun, mi zapi nih chun singsiahnâk chu an muh ka hen, “Hi minung hi, Khuavâng laikulh ah a hawng kal ding chu asi tatak mahi!” an ti.

JOHAN 7:32

Chun, Farisai tla nih a tlûnah mi zapi tla nih a thup hen anna chaihnâk thu tla chu an theih le; chun, bâwlpu lal tla leh Farisai tla nih tleih ding hen tleihtu tla an fial rawh.

JOHAN 7:47

Chun, Farisai tla nih chun an sinah, “Nannih khawm hum hen nan um bâk rawh mu?

JOHAN 7:52

Annih nih chun a sinah, “Nang khawm Galili mi na maw na si bâk? Hâwl le, Galili ram ah chun khuavâng âukhawm suak ding an um lo ti theih ko me,” an ti le, an sâng.

JOHAN 9:16

Chun, Farisai tla zeimaw mi nih, “Chu minung chu Dinhni a khunhriah lo ruangah, Pathian sinah thawk hen suak asi lai loh,” an ti. Zeimaw mi lam nih chun, “Misual nih hi hâwi thilchê zeitin a ti kho lai?” an ti. Chun, anmah lakah ṭhennâk a hawng um rawh.

THILTI 11:24

Barnaba chu mi ṭha tak asi le, Thlarau Thenhlimh leh lungnâk hen khat mi asi. Chun, mi cherkhet chu Lalpa sinah anna sap rawh.

ROM 5:7

Mi rep ruangrûl ah thih chu mi zeimaw mi rangah thil har tak asi le, mi ṭha ruangrûl lam chun mi zeimaw mi nih thih a va ngamh ko dahmawh.

PHILIPI 2:14

Sual nei lo leh nun tluang tla, thlâk rualo leh simhngâilo tla lakah Pathian fa simsâwi kawp lo tla nan si khonâk ding hen chipchiarnâk leh êlnâk tla um lo hen zeizawng ti u, chubang lakah chun nungnâk chu pêk hen laikulh ah hin chêutirtu hâwi hen nan lang tâwn;