JOHAN 6:70 - Bawm Common Language Bible Version

⁷⁰ Chun, Jisu nih an sinah, “Nannih leinih tla hi keimah thîm nan si lo ma? Nan lakah minung pakhat lam chu diabol asi,” a ti.

JOHAN 6:70 ပူးပေါင်းရင်းမြစ်များ

JOHAN 13:18

“Nan ektê thu ka sim lo; ka thîm mi tla chu ka theih, sikhawmsele chu chu, ‘Ka sang eitu nih a hawng ka leido rawh,’ ti Pathian lasui thu kha a hawng tlung khonâk ding asi.

JOHAN 13:2

Jisu leh a ṭhiruai tla chu zânriah an dûm. Diabol nih Juda Iskariot Simon fapa chu Jisu tleihtir ding hen a ruat ving rawh.

JOHAN 13:21

Jisu nih chu hâwi hen a sim thluh rawh chun, a thinlung hen a lawksawng le, “Thungâi tak hen ka nan simh na, nan lakah mi pakhat nih a ka tleihtir lai,” ti hen, a theihtir rawh.

JOHAN 13:27

Chun, sang sêu chu a pêk nûnah chun Setan a sung ah a lût. Chuvachun, Jisu nih a sinah, “Na ti ding chu ti rereh rawh,” a ti;

JOHAN 15:16

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

JOHAN 15:19

Nannih laikulh mi si ule, laikulh nih amah minung a dâwt ding asi; laikulh mi nan si lo le, laikulh ah mi ka nan thîm na ruangah, laikulh nih an hua na asi.

JOHAN 17:12

An sinah ka um liau khan, nangnih kei na ka pêk mi tla hi na min hen ka hum tâwn; annih chu ka vêng le, an lakah pakhat khawm an vei lo, a tlâu ding mi pa lo kha chu; Pathian lasui thu a hawng tlung khonâk ding hen.

JOHAN 2:2

Jisu leh a ṭhiruai tla khawm umhnâk ah an sâwm na,

JOHAN 20:24

Chun, Jisu a hawng kal liau khan leinih tla lakah tel bâk, Thom, (phîr an ti mi chu), an sinah a um bâk lo.

JOHAN 6:64

Sikhawmsele, nan lakah zeimaw mi lunglo an um,” a ti. Jisu nih a lunglotu tla leh a tleihtirtu ding chu a tîr thawk hen a theih ruangah.

JOHAN 6:67

Chuvachun, Jisu nih leinih tla sinah chun, “Nannih khawm kal ding nan duh bâk ma?” a ti.

JOHAN 6:71

Iskariot Simon fapa Juda, leinih tla lakah â tel bâk mi thu kha a sim asi, anih chu a tleihtirtu ding asi ruangah.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

THILTI 1:17

Juda chu kan lakah rêlsih asi le, hi bang rianṭuan lakah hin tingvo khawm a nei bâk.

THILTI 13:10

“Nang diabol fapa, nang repnâk zawzawng huatupa Lalpa lampi rep tak tla hi siattir na bâng lo mu?

1 TIMOTHE 3:11

Chu hâwi ber hen an nupi tla mi zahkâi an siding asi, ka tam lo hen sûm kho mi leh zeizawng ah zumhkâi mi an siding asi.

TITA 2:3

Tarnu tla khawm nih Pathian thu chu an simsiat lonâk ding hen, nunau kum no dauh tla chu an pasal zângfah ding leh fa zângfah ding leh thinlung rep tak hen um ding leh thenhlimh tak a um ding leh, mah in ah rianṭuantu ah um ding leh, vêlnei hen um ding leh, mah pasal tla thu thu a um ding hen nun an simh na kho ding hen an umdân lak khawm ah Pathian zah mi tla, phiartu tla leh zû duh mi tla silo hen, ṭhat leikângah sîntirtu siding hen fawrh rawh.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.