JOHAN 6:68 - Bawm Common Language Bible Version

⁶⁸ Chun, Simon Peter nih a sinah, “Lalpa, âu sinah me kan kal lai? Nangnih zungzâl nungnâk thu na nei asi.

JOHAN 6:68 ပူးပေါင်းရင်းမြစ်များ

SAM 73:25

Nangmah lo chu vân ah zei thil dang ka nei mi a um? Nangmah ka nan tingnâk thawk hen tual ah zei thil dang me ka duh lai?

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MARK 8:29

Chun, anih nih chun an sinah, “Asi chun ne, nannih nih âu asi nan ka ti?” ti hen a deih na. Peter nih chun a sinah, “Mesia chu na si,” ti hen a sâng.

LUK 9:20

Chun, anih nih chun an sinah, “Asi chun, nannih nih âu asi nan ka ti?” a ti. Chun, Peter nih, “Pathian Mesia chu,” ti hen a sâng.

JOHAN 12:49

Keimah phuak sawm hen ka sim lo; Pa hawng ka fialtu nih ka sim ding leh ka ruat ding hi, thu hawng ka pêk dauh asi.

JOHAN 12:50

A thupêk chu zungzâl nungnâk asi ti ka theih. Churuangah chun thu ka sim mi hi Pa nih hawng ka simh hâwi vima hen ka sim asi,” a ti.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 6:63

Nungtirtu chu thlarau asi, taksa chu zeirang khawm ah a tlâklo; nan sinah thu ka sim mi tla hi thlarau asi, nungnâk khawm asi.

THILTI 13:26

“Unau le tla, Abraham thlâk tla, nan lakah Pathian ṭihtu tla, kanmah tla sinah hin hi bang ruangsuaknak thu hi hawng kan kuat rawh asi hi.

THILTI 4:12

Midang âu sin khawm ah ruangsuaknâk a um lo; laikulh ah minung min sak lakah ruang hawng kan suah khotu ding min dang rerêng an um lo,” a ti.

THILTI 5:20

“Pathian Biakin ah va dîr ule, mi le tla sinah hi bang Nungnâk thu zawzawng hi va sim u,” a ti.

THILTI 7:38

Chu minung chu ramkaro ah mi zapi lakah Sinai Tlângah a sawnhtu vânmifial sinah leh kan thlâktu tla sinah a um mi kha asi; chu minung chu hawng kan pêk singsuan ding hen thu nung tla lâktu kha asi.

THILTI 8:37

Chun, Philip nih chun a sinah, “Na thinlung zawzawng hen na lung chun na baptis kho lai,” a ti. Chun, anih nih chun tihin a sâng le, “Jisu Krist chu Pathian Fapa asi ti ka lung,” a ti.