JOHAN 6:63 - Bawm Common Language Bible Version

⁶³ Nungtirtu chu thlarau asi, taksa chu zeirang khawm ah a tlâklo; nan sinah thu ka sim mi tla hi thlarau asi, nungnâk khawm asi.

JOHAN 6:63 ပူးပေါင်းရင်းမြစ်များ

GENESIS 2:7

Chun, LALPA Pathian nih tual ah mi valei tâwm a lâk le, mipa a siam; chun a nârkua lakah nungnâk pêktu thâw a khumh le, chu minung chu a nung rawh.

SAM 119:130

Na sîntirnâk simhfiangnâk nih chêu a pêk le, zeikhawm theih lo tla rangah finghnâk a pêk.

SAM 119:50

Na thupêk nih nungnâk a ka pêk ruangah tuar liau khawm ah ka thla a ngam.

SAM 119:93

Na sîntirnâk chu ka thlawrhthlâu dahlo, chu lak chun nung dam hen na ka kil ruangah.

THUFING LASUIBU 4:13

Na sîn mi tla chu theihkumza. Na thiamnâk chu na nungnâk asi, ṭhadektê hen vêng.

JOHAN 5:21

Pa nih mithi tla a thawh le, a nungtir tâwn hâwi hen, Fapa khawm nih a duh mi zawng a nungtir tâwn.

JOHAN 6:68

Chun, Simon Peter nih a sinah, “Lalpa, âu sinah me kan kal lai? Nangnih zungzâl nungnâk thu na nei asi.

THILTI 5:20

“Pathian Biakin ah va dîr ule, mi le tla sinah hi bang Nungnâk thu zawzawng hi va sim u,” a ti.

ROM 10:17

Chun, lungnâk chu theihnâk ruangah a hawng um le, chun theihnâk chu Krist thu ruangah a hawng um.

ROM 2:25

Dân zâwttu na si chun, na fêmtannâk chu a ṭhavak asi; Dân buartu na si lam chun, na fêmtan chu tan lo hâwi asi ko rawh.

ROM 8:2

Krist Jisu ah nungnâk thlarau Dân nih chun sualnâk leh thihnâk Dân ah mi chu hawng kan suah rawh asi.

1 KORIN 15:45

Chu hâwi ber hen, Minung masa chem Adam chu minung a hawng si,” ti rîn asi. Adam madung dauh chu nungnâk pêktu thlarau a hawng si.

GALATIA 5:25

Thlarau ah nung kan si chun, Thlarau ber ah kan um nawlh lai.

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

GALATIA 6:15

Siamthar nawlhnâk lo chu fêmtan hi zeikhawm asi lo. Fêmtan lo khawm zeikhawm asi lo.

DEUTERONOMY 32:47

Hi sîntirnâk tla hi thu salam asi lo; nan nungnâk bul tak asi. Zûl ule, Jordan Va kanh hen nan va luah ding mi ram ah nan um kumza lai,” a ti.

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

1 TIMOTHE 4:8

taksa zawnghnâk hi ṭha chu a ṭha bâk le, Pathian sunhsaknâk nih chun tuah mi nungnâk leh nungnâk hawng um ding mi pêk ding hen tiamnâk a nei ruangah zeizawng ah a ṭha asi.

HEBRAI 13:9

Sîntirnâk kip leh sîntirnâk chê tak nih lam dik lakah mi kalpi hen um lah u; thinlung hi Pathian zângfahnâk hen birhtir chu a ṭha, ei ding tla lakah a pêk tuk lo hen; chu leikâng lungkhamtu tla chu chubang lakah chun ṭhatvaknak an tawng lêm lo.

HEBRAI 4:12

Pathian thu hi a nung le, thil a ti kho le, nâmsâu hâr nih nei um mi ngâk hen a hâr dauh le, nungnâk leh thlarau liahchân leh thlik phel dip rê hen a tuk kho le, thinlung ah dawn mi leh tum mi tla lakah thu a nei chawlh kho asi.

JEM 1:18

Amah duhzia hâwi hen thudik ah hawng kan ring le, a thilsiam zawzawngah mun masa chem kan luah khonâk ding hen.

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.