JOHAN 6:53 - Bawm Common Language Bible Version

⁵³ Chun, Jisu nih an sinah, “Thungâi tak hen ka nan simh na, Minung Fapa taksa nan ei hen, a thisen nan din lo chun, nanmah lakah nungnâk nan nei lo.

JOHAN 6:53 ပူးပေါင်းရင်းမြစ်များ

MATHAI 18:3

“Thungâi tak hen ka nan ti na, nanna lêt hen ngâksiatê hâwi nan silo chun Vân Ram ah nan lût rîlmâl lai lo.

MATHAI 5:18

Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

LUK 13:3

Si loh e, ka nan simh na, nannih khawm nan rim lo chun chu hâwi ber hen nan vei ver lai.

LUK 13:5

Si loh e, ka nan simh na, nannih khawm nan rim lo chun chu hâwi ber hen nan vei ver lai,” a ti le, a sâng.

JOHAN 13:8

Peter nih a sinah, “Ka kê na ṭâwl rîlmâl lai loh,” a ti. Jisu nih a sinah, “Ka ṭâwl lo chun ka sinah zeikhawm tingvo na nei lai loh,” a ti.

JOHAN 15:4

Keimah lakah um kumza u, kei khawm nanmah lakah ka um kumza lai. Ṭeng chu grep zûn ah a um kumza lo chun amah lung hen a rah kho lo hâwi hen, nannih khawm keimah lakah nan um kumza lo chun, nan rah kho lai loh.

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

JOHAN 6:47

Thungâi tak hen ka nan simh na, âuzawng a lungtu nih chun zungzâl hen nungnâk a nei rawh asi.

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

JOHAN 6:55

Ka taksa hi buh tak asi, ka thisen hi din ding tak asi.

JOHAN 6:62

Minung Fapa hi a lânah a umnâk mun ah a kâi mi nan muh chun, zeitin si lai ne?

1 JOHAN 5:12

Âuzawng Fapa neitu nih chun chu nungnâk chu a nei, Pathian neilotu nih chun chu nungnâk chu a nei lo.

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.