JOHAN 6:51 - Bawm Common Language Bible Version

⁵¹ Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

JOHAN 6:51 ပူးပေါင်းရင်းမြစ်များ

MATHAI 20:28

Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

LUK 22:19

Chun, sang a lâk le, lâwmthu a sim thluh rawh chun a phel le, “Hi hi ka taksa, nan rangah pêk ding chu asi; nan hawng ka theihkumzanâk ding hen hi hi ti tâwn u,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 11:26

a nung mi zawng nih hawng ka zumhtu chu an thi rîlmâl lai loh; chu thu chu na lung ma?” a ti.

JOHAN 3:13

Vân ah âukhawm an kâi dahlo, Minung Fapa vân thawk hen hawng ṭum mi cho lo hi chu.

JOHAN 3:14

Chun, Mosi nih ramkaro ah rûl a thlâi hâwi khan, Minung Fapa hi thlâi hen a um ding asi.

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

JOHAN 6:33

Pathian sang chu vân thawk hawng ṭum hen, laikulh sinah a nungnâk pêktu hi asi,” a ti.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:41

Chun, “Vân thawk hen sang hawng ṭum mi chu kasi,” a ti ruangah Juda tla chu a tlûnah an chipchiar.

JOHAN 6:47

Thungâi tak hen ka nan simh na, âuzawng a lungtu nih chun zungzâl hen nungnâk a nei rawh asi.

JOHAN 6:48

Kei hi nungnâk sang chu kasi.

JOHAN 6:50

Hi hi vân thawk hen sang hawng ṭum mi chu asi, mi nih a ei hen, a thi lonâk ding hen.

JOHAN 7:38

Âuzawng hawng ka zumhtu chu Pathian lasui thu sim hâwi hen tî nung va tla amah thawk hen a hawng luang lai,” a ti.

2 KORIN 5:19

kha hâwi hen Pathian nih Krist lakah laikulh hi amah hen a rem hen a siam le, an buarnâk tla chu buarnâk ah ruat piak lo hen a remnâk thu hawng kan kiltir kha.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

EPHESI 5:25

Pasal tla, nan nupi tla zângfah na u, Krist nih kawhmi tla a zângfah le, an ruangrûl ah amah â pêk hâwi hen khan,

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 10:20

Jisu nih chun puanzâr chu pal hen-- chu chu a taksa tinâk asi, lam thar leh nungnâk lampi hawng kan awng piak rawh.

1 PETER 2:4

Lung nung, mi nih zeikhawm rawtrâilo ah an ruat mi, Pathian ngaih hen chun sung tak leh a thîm mi, Lalpa sinah chun hawng u.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.

1 JOHAN 4:14

Chun, Pa nih a Fapa chu laikulh ruangsuahtu ding hen a hawng fial asi ti kan muh le, midang tla khawm kan theihtir na asi.