JOHAN 6:5 - Bawm Common Language Bible Version

⁵ Chun, Jisu nih a chuanh le, mi zapi tam tak nih amah lei fûk hen a muh le, Philip sinah, “Hi bang tla ei ding sang a zei me kan châwk lai?” a ti.

JOHAN 6:5 ပူးပေါင်းရင်းမြစ်များ

NUMBER 11:13

Hi bang zawzawng minung khawp rang ding hen zei mi sa ka tawng kho lai? Anna nauh hen sa an ka ngiar ṭualmâl.

MATHAI 15:33

Chun, ṭhiruai tla nih chun a sinah, “Mi zapi hi tluk rak khawp rê ding hen sangtlêp chu tluk rak ramkaro ah kha zei mi me kan tawng lai?” an ti.

MARK 6:32

Chun, ramkaro mun ah anmah lâwng hen a dang hen an va kal.

LUK 9:10

Chun, mifial tla chu an hawng tleng rawh chun an thilti tla a sinah an ruah. Chun, anih chu anmah tla put hen Betsaida an ti mi khua ah chun a dang hen a kal rawh.

JOHAN 1:43

Chun, a thâituan ah chun Jisu chu Galili ah kal a tum le, Philip a muh le, a sinah, ‘Hawng ka zûl rawh,” a ti.

JOHAN 1:44

Philip chu Betsaida mi asi, chu chu Andri leh Peter umnâk khua asi.

JOHAN 1:45

Philip nih chun Nathanael a muh le, a sinah, “A thâwngthâng Mosi nih Dân lasuibu ah a rîn mi leh khuavâng tla nih an rîn mi kha, amah chu kan muh rawh. Nazaret Jisu Josef fapa chu,” a ti.

JOHAN 1:46

Chun, Nathanael nih chun a sinah, “Nazaret ah thil ṭha a suak kho mazei?” a ti. Philip nih chun a sinah, “Hawng le zauh,” a ti.

JOHAN 1:48

Nathanael nih a sinah “Nangnih zeitin na theih?” a ti. Jisu nih a sinah, “Philip nih a nan kawh lânah theipi phûr ah na um liau khan ka nan muh,” a ti.

JOHAN 4:35

Nannih nih, ‘Fâng ât ding thla li a um rih,’ nan tilo mazei? Ngâi u, ka nan simh na; chuanh ule, lo tla zauh u, tu thawk hen ât ding hen a vâng asi.