JOHAN 6:45 - Bawm Common Language Bible Version

⁴⁵ Khuavâng tla lasuibu ah, “Pathian sîntir hen an um ver lai,” ti rîn asi. Mi kip Pa thu theih hen sîn mi vial chu ka sinah an hawng kal tâwn.

JOHAN 6:45 ပူးပေါင်းရင်းမြစ်များ

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

MIKAH 4:2

Chu tla nih chun “LALPA tlângah mi, Israel Pathian Biakin ah kan kal lai. Anih nih ti ding hawng kan duh mi chu hawng kan sîntir awt ruangah; a thîm mi lampi ah chun kan kal lai rawh. LALPA sîntirnâk chu Jerusalem thawk hen a hawng um lai le, a mi tla sinah Zion thawk hen thu a sim lai,” an ti.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MARK 1:2

Khuavâng Isai lasuibu ah: “Ngâinik, ka mifial na mâi leiah ka fial lai le, anih nih chun na lampi a siam lai.

LUK 1:70

A lânah thawk hen khuavâng thenhlimh tla kâ ah a sim hâwi khan.

LUK 18:31

Chun, leinih tla chu a dang hen a kalpi na le, an sinah, “Ngâinik u, Jerusalem ah kan kal awt hi; khuavâng tla thurîn zawzawng kha Minung Fapa tlûnah hin a tlung lai.

JOHAN 10:27

Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:65

Chun, amah nih, “Churuangah asi, nan sinah, ‘Pa nih a pêk mi cho lo chu, âukhawm ka sinah an hawng kal kho lai loh,’ ka ti mi kha,” a ti.

THILTI 13:40

Churuangah râlring u, chu lo chun khuavâng tla lasuibu ah an sim mi kha nan tlûnah a tlung lebang lai:

THILTI 7:42

Chun, Pathian nih a hawitâk na le, vân ah ârfi tla mâi an mûk khonâk ding hen annih tla chu a hawitâk na rawh, khuavâng lasuibu ah: ‘Israel phun le tla, ramkaro ah khan kum sâwmli karah sa thah hen leh ran thah hen kei nan hawng ka sawnh mazei?

PHILIPI 3:15

Chun, Thlarau ah upa vial chu hâwi thinlung put hen kan um lai; chun zei leikâng khawm ah thinlung dang put nan si chun, chu khawm chu Pathian nih a nan theihtir na lai.

1 THESALONIKA 4:9

Khawmsele, unau tla, dâwt leikâng thu chu rîn piak nan herh lo, a dâwt tawnh ding hen nanmah ngelchel Pathian sîntir hen nan um ruangah.

HEBRAI 10:16

A masa chem hen: “Chubang ni tla nûnah chun an sinah thudân ka tuk ding mi chu hi hi asi, Lalpa nih a ti: An thinlung ah ka thupêk tla ka siah lai le, an dawnruatnâk tla ah ka rîn lai,” ti hen a sim.

1 JOHAN 2:27

Nannih lam chu Jisu Krist nih a Thlarau an pêk na le, chu Thlarau nan sinah a um kar zawng chu âu sîntir khawm nan herh lo. Thlarau nih chun zeizawng an sîntir na ruangah leh a sim mi vial chu thudik asi ruangah âwkrâwl asi lo. Thlarau sîntirnâk chu zûl ule, Krist lakah um u.