JOHAN 6:37 - Bawm Common Language Bible Version

³⁷ Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:37 ပူးပေါင်းရင်းမြစ်များ

SAM 102:17

A kaltâk mi minung tla a âwva lai le, an thlachamnâk a ngâi lai.

SAM 110:3

Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

ISAI 41:9

Tual dawnghnâk ah mi ka nan put na le, a ken ah a lât chemnâk ah mi ka nan kawh na le, nan sinah, ‘Nannih chu ka to-aw tla nan si,’ ka nan ti na. Ka nan nawng na lo, ka nan thîm na mi nan si.

ISAI 42:3

Lâiluang a pâwk mi chu a thlawngh lai lo, meichêu a mit didem mi khawm a mih lai lo. Mikip sinah lâirêlnâk dik um kumza ding mi a tlungtir lai.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

MATHAI 11:28

“Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

JOHAN 17:11

Chun, kei lam chu laikulh ah ka um lai lo rawh, hi bang tla lam chu laikulh ah an um, kei na sinah ka hawng awt rawh. Pa Thenhlimh, nangnih kei na ka pêk mi tla hi na min hen hum rawh, pumkhat ansi khonâk ding hen, kanmah pumkhat kan si hâwi hen.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 17:6

“Nangnih laikulh lakah suak mi tla keimah na ka pêk mi sinah khan na min ka langhtir rawh; annih chu na tâ an si kha, nangnih annih chu na hawng ka pêk asi; annih nih chun na thu an zâwt rawh.

JOHAN 6:39

Hi hi hawng ka fialtu duhzia chu asi, anih nih a ka pêk mi zawzawng zeikhawm thlâu lo sele, ni dawngh ni ah chun thawh dauh na sele.

JOHAN 6:65

Chun, amah nih, “Churuangah asi, nan sinah, ‘Pa nih a pêk mi cho lo chu, âukhawm ka sinah an hawng kal kho lai loh,’ ka ti mi kha,” a ti.

JOHAN 9:34

Chun, annih nih chun a sinah, “Nang sual lumpi hen suak na si, nangnih na hawng kan simh bâk mu?” an ti le, an sâng. Chun, anih chu an nar rawh.

ROM 5:20

Chun, sual a lang khun ding hen Dân a hawng um nawlh sawm. Sikhawmsele, sual a pungnâk kip ah Pathian zângfahnâk chu a pung khun tâwn.

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

1 TIMOTHE 1:16

Sikhawmsele, hi ruangah hin asi khuaruatnâk ka tawng mi chu, Jisu Krist nih chun misual chem ka lakah hin â dawnhkho zia zawzawng a langhtir khonâk ding hen hi nûnah zungzâl nungnâk nei ding hen amah lungtu tla rangah zûnzauhnâk ding ah.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

1 JOHAN 2:19

Annih chu kan lakah mi murui an si lo ruangah hawng kan kaltâk le, kanmah mi tak si na sele kan sinah an um vima ding asi, sikhawmsele, an ektê hen kanmah mi tak an si lo ti a lang fiang khonâk ding hen hawng kan suaktâk rawh asi.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.