JOHAN 6:35 - Bawm Common Language Bible Version

³⁵ Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:35 ပူးပေါင်းရင်းမြစ်များ

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

MATHAI 11:28

“Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

LUK 6:25

“Nannih tuah khim mi tla, nan tlûn a pit! Nan sung a vâng awt ruangah. “Nannih tuah nih-le-khêk mi le tla, nan tlûn a pit! Ngaihsia hen nan ṭap awt ruangah.

JOHAN 4:15

Chun, nunau nih chun a sinah, “Pu, chu tî chu hawng ka pêk, ka tîhâl lonâk ding leh hi bang tiang tî than ding hen ka hawng lonâk ding hen,” a ti.

JOHAN 5:40

Sikhawmsele, nungnâk nei ding hen ka sinah nan hawng duh lo.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:41

Chun, “Vân thawk hen sang hawng ṭum mi chu kasi,” a ti ruangah Juda tla chu a tlûnah an chipchiar.

JOHAN 6:65

Chun, amah nih, “Churuangah asi, nan sinah, ‘Pa nih a pêk mi cho lo chu, âukhawm ka sinah an hawng kal kho lai loh,’ ka ti mi kha,” a ti.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.

THUPHUANG 7:16

An sung a vâng lai lo le, an tî khawm a hâl lai lo, nî nih a emh na lai lo le, a linhnâk khawm nih a hamhtir na lai lo.