JOHAN 6:14 - Bawm Common Language Bible Version

¹⁴ Chun, mi zapi nih chun singsiahnâk chu an muh ka hen, “Hi minung hi, Khuavâng laikulh ah a hawng kal ding chu asi tatak mahi!” an ti.

JOHAN 6:14 ပူးပေါင်းရင်းမြစ်များ

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

MATHAI 11:3

“Hawng kal ding mi ma na si, midang kan ngâk lai rih ma?” ti hen, a ṭhiruai tla nih Jisu rangah an deih.

MATHAI 21:11

Chun, mi zapi tla nih chun, “Hi minung hi khuavâng Jisu, Galili ram ah Nazaret mi chu asi,” an ti.

LUK 24:19

Chun, anih nih chun an sinah, “Zei thil me?” a ti. Chun, annih nih chun a sinah, “Nazaret Jisu, Pathian leh minung zawzawng mitmuh ah a thu ah leh a thilti ah khuavâng minthang tak thâwngthâng thu;

LUK 7:16

Chun, mi zawzawng nih an ṭih le, Pathian an sawr le, “Kan lakah khuavâng rokual tak a hawng um rawh,” an ti le, “Pathian nih a mi tla a hawng veh na rawh asi,” an ti.

JOHAN 1:21

Chun annih nih chun a sinah, “Âu me na si ne?” Elija na si ma? an ti le, an deih. Chun, anih nih chun “Ka si lo,” a ti. “Khuavâng chu na si ma?” an ti. Chun, anih nih chun, “Ka si lo,” a ti le, a sâng.

JOHAN 11:27

Anih nih chun a sinah, “Lung ta a, Lalpa; Mesia, Pathian Fapa, laikulh ah a hawng kal ding mi chu na si ti ka lung,” a ti.

JOHAN 2:11

Jisu nih singsiahnâk a ti masa chemnâk hi Galili ram ah Kana ah chun a ti le, a rokual zia a langhtir rawh; chun, a ṭhiruai tla nih chun amah chu an zumh rawh.

JOHAN 4:19

Nunau nih chun a sinah, “Pu, khuavâng na si ti ka theih.

JOHAN 4:25

Chun, nunau nih chun a sinah, “Mesia, (Sariak Thuh an ti mi chu) a hawng kal awt ti ka theih, anih chu a hawng kal tikah zeizawng hawng kan simh lai,” a ti.

JOHAN 4:42

Chun annih nih chun, nunau sinah chun, “Tu lam chun na thusim ruangah lung kan si lo rawh; kanmah ngelchel nih a thu kan theih le, hi minung hi laikulh Ruangsuahtu asi ngelchel ti kan theih rawh,” an ti.

JOHAN 6:2

Chun, damlo tla tlûnah singsiahnâk a ti mi tla chu an muh ruangah mi zapi tam tak nih amah an zûl.

JOHAN 6:26

Chun, Jisu nih an sinah, “Thungâi tak hen ka nan simh na, thilchê tla nan muh ruangah nan ka hâwl mi asi lo le, sang tlang nan ei le, nan khawp ruang dauh khan asi.

JOHAN 6:30

Chun, annih nih chun a sinah, “Singsiahnâk zeime na ti lai, kan muh hen kan nan lung khonâk ding hen? Zei thil me na ti lai?

JOHAN 7:40

Chun, mi zapi tla lakah a zeimaw mi nih chubang thu chu an theih le, “Hi minung hi khuavâng chu asi tatak ko!” an ti.

THILTI 7:37

Israel thlâk tla sinah, ‘Pathian nih kei hawng ka siam hâwi hen khuavâng ah a nan fial lai, nan unau tla lakah mi asi lai,’ titu kha asi, Mosi chu.