JOHAN 5:44 - Bawm Common Language Bible Version

⁴⁴ Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

JOHAN 5:44 ပူးပေါင်းရင်းမြစ်များ

2 CHRONICLES 6:8

sikhawmsele LALPA nih a sinah, ‘Ka rangah Biakin sak na tum mi hi a dik asi.

JEREMIA 13:23

Mi dum nih a vun a dangtir kho hen keitê nih a ṭial a veih kho mazei? Chu hâwi an ti kho asi chun, nang thilsual cho lo chu zeikhawm tilotu nih thil dik ti ding na theih kho lai.

MATHAI 23:5

An thilti zawzawng chu minung muh ding ah asi an ti dauh tâwn. An thil bunh tla leh khimh tla chu an lian tir, an puansâr mûm an bawrtir tâwn.

LUK 19:17

Chun, anih nih chun a sinah, ‘To-aw ṭha, na ti zia a ṭha; tâwmtê tlûnah zumh na kâi ruangah khua râ lakah hotu ah um rawh,’ a ti.

JOHAN 12:43

Pathian lakah mi sawrnâk ngâk hen chun, minung lakah mi sawrnâk, an duh dauh dangâiah.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 3:20

Âuzawng thilti sual mi nih chêu an hua tâwn, chêu ah khawm an hawng lo, chu lo chun an thilti tla a lang lai.

JOHAN 5:41

Minung chawnglawmhnâk ka lawmh lo;

JOHAN 8:43

Zei rangah ka hawlh umzia nan theihthiam lo? Ka thusim nan ngâi set lo ruangah asi.

ROM 2:10

Sikhawmsele, thil ṭha titu vial sinah chun rokualnâk tla, chawnglawmhnâk tla, lungngamnâk tla Pathian nih a pêk na lai le, Juda tla sinah pêk asi masa lai le, chun Phundang tla sinah khawm pêk asi lai.

ROM 2:29

Khawmsele, a lêngpuan si lo hen Juda mi si chu Juda mi tak asi. Chun, fêmtan tak chu thinlung leikângah tan asi, lasui thu ah ko si lo hen thlarau ah asi; chu lakah chun minung sawr a lawh lo le, Pathian sawr an lawh dauh asi.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 10:18

Mah simṭhat nih chun sawr a lawh lo le, Lalpa nih a simṭhat mi chu sawr a lawh dauh asi.

PHILIPI 2:3

Zuamchawh leh sung-û tirnâk ruangah zeikhawm ti lo hen, mikip nih nâu tak hen mah ngâk a midang ṭha dauh ah ruat chiau seh.

1 THESALONIKA 2:6

Pathian hawng kan theihpitu asi; Krist mifial kasi ruangah mi rangah tuar har tak sikhawmsele, minung lakah, nannih lak khawm ah midang lak khawm ah chawnglawmhnâk kan hâwl mi an theih dah loh.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

HEBRAI 3:12

Unau tla, a thiamthih u, chu lo chun Pathian nung chu bângtâk ding hen nan lakah âu sungah mawh lunglonâk thinlung sual a hawng um lebang lai.

JEM 2:1

Ka unau tla, kan Lalpa Jisu Krist rokualnâk Lalpa chu lungtu nan si ruangah mi thliar bîk nei lah u.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

JUD 1:25

kan Lalpa Jisu Krist zârah ruang hawng kan suahtu Pathian sinah cho chun, tik a lan rawh mi leh tuah leh zungzâl tiang hen, chawnglawmhnâk tla, rokualnâk tla, thuneihnâk tla a sinah um seh! Amen.

1 SAMUEL 15:30

Saul nih a sâng le, “Ka sual ngâk asi, sikhawmsele, Israel mi le ruitu zawzawng mâika ah na khuaruatnâk tâwmtal hawng ka muhtir. Ka sinah hawng kîr nawlh le, LALPA na Pathian chu ka sawnh nawlh khonâk ding hen,” a ti.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.