JOHAN 5:37 - Bawm Common Language Bible Version

³⁷ Pa hawng ka fialtu khawm nih chun ka thâwngthâng a theihtir rawh. Nannih nih zeiliau khawm ah a aw-hâu nan theih dahlo, a mêl khawm nan muh dahlo.

JOHAN 5:37 ပူးပေါင်းရင်းမြစ်များ

EXODUS 20:19

Mosi sinah, “Nangmah nih kan sinah thu sim le, kan ngâi lai; sikhawmsele Pathian nih kan sinah thu a sim mi chu kan ṭih, kan thi lebang lai,” an ti.

ISAI 26:10

Misual sin khawm ah vêl na nei le, thil dik ti lam chu an tum dahlo. Hi mirep umnâk ram khawm ah hin thil diklo an ti nget rih; na rokualnâk theih ding an duh lo.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

MARK 1:11

Chun, “Nang, ka Fapa duhtak na si le, na tlûnah thungâi ka lâwm asi,” ti hen, vân thawk hen aw-hâu a hawng suak.

LUK 24:27

Chun, Mosi leh khuavâng lasui thu thawk hen a dawmh le, Pathian lasui thu zawzawng ah amah thâwngthâng rîn mi vial chu anmah tla a simhfiang vima na.

LUK 3:22

chun Thlarau Thenhlimh chu taksa put hen vaṭhu hâwi hen a hawng ṭum le, a tlûnah a fû. Vân thawk hen aw a hawng suak le, “Nang ka Fapa duhtak na si, na tlûnah thungâi ka lâwm,” a ti.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 14:9

Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 15:24

Thil âukhawm ti dahlo mi tla an sinah ti lah sele, sual an nei lo ding mi; tu lam chu annih nih kei leh ka Pa hawng kan muh vevê rawh le, hua khawm hawng kan hua rawh asi.

JOHAN 5:32

Ka thâwngthâng theihtirtu chu midang asi; anih nih chun ka thâwngthâng a theihtir mi chu a dik ti ka theih.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 8:18

Kei hi mah thu theihtirtu kasi, Pa hawng ka fialtu nih chun ka thu a theihtir asi,” a ti le, a sâng.

DEUTERONOMY 4:12

LALPA nih mei thawk hen thu a hawng sim le, a thusim nan theih le, amah chu zei hâwi asi nan muh lo thlo mi tla kha simh na u.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?

1 JOHAN 5:9

Minung nih theihpitu an pêk mi ngâk chun Pathian nih theihpitu a pêk mi chu a ṭha dauh ti kan lung asi. Pathian nih theihpitu hawng kan pêk mi chu a Fapa thâwngthâng hi asi.