JOHAN 5:28 - Bawm Common Language Bible Version

²⁸ “Hi hi chê ti lah u, a tik a tlung awt rawh, chu tik ah chun thlân ah a um mi zawzawng nih a aw-hâu an theih lai le, an suak ver lai;

JOHAN 5:28 ပူးပေါင်းရင်းမြစ်များ

ISAI 26:19

Kan minung thi rawh mi tla chu an hawng nung nawlh lai! An taksa nungnâk nei hen an hawng kîr nawlh lai. An thlân ah it rawh mi zawzawng tla chu an hawng a ṭhang lai le, lâwm hen la an sak lai. Dâmtî nih tual a thartir mi hâwi hen sâwt tak a thi rawh mi tla chu LALPA nih a nungtir nawlh lai.

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

JOHAN 3:7

Na suakthar ding ka nan ti mi hi chê ti lah.

JOHAN 4:21

Chun, Jisu nih a sinah, “Nunau, ka thu lung rawh, hi tlâng kher lo khawm ah, Jerusalem kher lo khawm ah Pa nan sawnh tik a tlung awt rawh.

JOHAN 4:23

Chuvachun, a tik a tlung awt rawh, tu khawm ah a tlung liau chir, chu tik chun Pathian sawnhtu tatak tla nih Thlarau leh thudik hen Pa an sawnh lai, Pa nih chu hâwi mi chu amah sawnhtu ding hen a hâwl asi.

JOHAN 5:20

Pa nih Fapa a dâwt le, a thilti zawzawng a sinah a zauhtir tâwn; hi ngâk a thilti rokual dauh hi a sinah a zauhtir teh lai, chê nan ti ding ah.

JOHAN 5:25

Thungâi tak hen ka nan simh na, a tik a tlung awt rawh, tu khawm ah a tlung liau chir, chu tik ah chun mithi tla nih Pathian Fapa aw-hâu an theih lai le, a theihtu vial an nung lai.

THILTI 24:15

Chun, mirep tla leh replo tla thawknawlhnâk a um lai ti Pathian leiah ka lungum le, hi bang tla khawm nih hin chubang tla chu an lung bâk.

THILTI 3:12

Chun, Peter nih mi zapi tla a muh na rawh chun an sinah, “Nannih Israel mi le tla, hi bang hi zei rangah chê nan ti? Kanmah thiltikhonâk leh Pathian sunhsaknâk ruangah anih hi kan kaltir mi hâwi ngâi chun zei rangah nan hawng kan zauh?

1 KORIN 15:22

Adam lakah mi zawzawng an thi tâwn hâwi hen, Krist ah mi zawzawng nunh hen an um hi.

PHILIPI 3:21

Anih nih chun a ṭuan hen zeizawng khawm amah thu thu hen a umtir kho, chu ṭuan zia hâwi vima hen kan taksa chaklo tak hi, amah taksa rokual hâwi a um ding hen a siam nawlh lai.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.