JOHAN 5:22 - Bawm Common Language Bible Version

²² Pa nih âu lâi khawm a rêl piak lo, lâirêl zawzawng Fapa a rêltir dauh;

JOHAN 5:22 ပူးပေါင်းရင်းမြစ်များ

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

THUSIMTU 12:14

Pathian nih thil kan ti mi zawng ah lâi a rêl awt le, a sia mi khawm a ṭha mi khawm, a thup hen thil ti mi tla khawm.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 3:35

Pa nih Fapa a dâwt le, a thiltikhonâk ah thil zeizawng a pêk rawh.

JOHAN 5:27

chun, Minung Fapa asi ruangah a sinah lâirêl ding thuneihnâk a pêk.

JOHAN 9:39

Chun, Jisu nih, “Lâirêl ding hen hi laikulh ah hin hawng kal kasi, mitchâw tla an mit a deinâk ding leh mitdei tla chu an mit a châw khonâk ding hen,” a ti.

THILTI 10:42

Anih chu mithi tla leh minung tla tlûnah Lâirêltu ah Pathian ruat chu asi ti mi sinah phuangpitu leh theihtir ding hen Pathian nih thu hawng kan pêk asi.

THILTI 17:31

ni a tiamh ruangah, chu ni ah chun a minung ruat mi tla chu tual ah mi tla rep tak hen lâi a rêl lai; chu chu Pathian nih amah chu mithi lakah mi thawh hen mi zawzawng sinah a theihtir rawh,” ti hen.

ROM 2:16

Pathian nih Thâwngthâng Ṭha ka sim hâwitê hen minung thinlung tla lakah mi thuthup tla chu Jisu Krist mang hen lâi a rêl ding Ni ah chun rêl hen an um lai

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

2 TIMOTHE 4:1

Pathian mitmuh leh minung leh mithi lâirêltu ding Jisu Krist mitmuh ah chun a langhnâk leh a ram sâl hen, semsêngâi tak hen ka nan theihtir.

1 PETER 4:5

Minung leh mithi lâirêltu ding Pathian sinah chun an thâwngthâng an sim teh lai.