JOHAN 5:17 - Bawm Common Language Bible Version

¹⁷ Sikhawmsele, Jisu nih annih chu a sawnh na le, an sinah, “Ka Pa nih tutiang khawm hen rian a ṭuan tâwn, kei khawm nih ka ṭuan tâwn,” a ti.

JOHAN 5:17 ပူးပေါင်းရင်းမြစ်များ

SAM 65:6

Na chaknâk hen tlâng tla chu a mun ah na siah na le, na thilti rokual zia na langhtir.

ISAI 40:26

Vândum khi zauhnik! Ârfi na muh mi khi âunih a siam? Kawrsen rual hâwi hen ruitu asi le, zeizat an si a theih hep na, an min chiau hen a auh na. A thiltikhonâk chu thungâi a rokual le, pakhat khawm a relh dahlo.

MATHAI 10:29

Phâisen phittê panih Assarion khat hen an zuar tâwn lo mazei? Sikhawmsele, an lakah pakhat khawm nan Pa thu lo hen tual ah a tlâ lai lo.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 14:10

Kei Pa lakah ka um leh Pa keimah lakah a um ti na lung lo ma? Nan sinah thu ka sim mi hi, keimah phuak sawm hen ka sim lo; Pa keimah lakah a um kumza le, a thil a ti dauh tâwn asi.

JOHAN 5:16

Chun, Dinhni ah chubang thil tla chu a ti ruangah Juda tla nih Jisu an nehsawh rawh.

JOHAN 5:18

Chuvachun, Juda tla nih thah ding an tum khun le, Dinhni a buar ruang cho khawm asi lo le, Pathian amah Pa ah a ruat le, Pathian tluk hen â siam ruang khawm ah asi.

JOHAN 9:4

Sûn asi liauah hawng ka fialtu rian ka ṭuan ding asi; zân asi awt rawh hi, chu tikah chun âukhawm nih rian an ṭuan kho lai loh.

THILTI 14:17

sikhawmsele, Pathian nih amah chu a dik asi ti theihtirnâk umlo hen a siam lo, chu hâwi hen thil ṭha a ti tâwn, vân thawk hen ruah tla leh ei ding a nan pêk na, nan thinlung lâwmnâk hen a nan khattir na tâwn kha,” an ti.

THILTI 17:28

churuangah, ‘Amah ruangah kan nung, kan châng hen kan um asi.’ Nanmah lakah la phuak thiam âunih mawh, ‘Kannih khawm a thlâk tla kan si,’ ti hen an sim hâwi khan.

1 KORIN 12:6

Ṭuan dân dang dang khawm a um le, Pathian lam chu munkhat asi- mi zawzawng lakah zeizawng ṭuantu chu.

KOLOSA 1:16

amah lakah chun zeizawng siam asi le, vân ah um tla, tual ah um tla hen, muh kho tla, muh kho lo tla hen, Thlarau thiltikhonâk tla khawm lâirêltu tla khawm lalnâk tla khawm, thuneihnâk tla khawm, Pathian nih laikulh pumpi hi amah ruangah leh amah rangah a siam mi asi.

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.