JOHAN 4:46 - Bawm Common Language Bible Version

⁴⁶ Chun, Galili ram ah Kana ah tî uain a changtirnâk kha a hawng tleng nawlh. Chun, Sorkar rianṭuantu âumawh a um le, a fapa Kapernaum ah a damlo.

JOHAN 4:46 ပူးပေါင်းရင်းမြစ်များ

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

SAM 78:34

An lakah zeimaw mi a thah na tik zawng ah a dang tla chu a sinah anna pêk lai le, an rim hen lungnâwng tak hen a sinah thla an cham lai.

HOSEA 5:15

“Ka mi tla chu an sual ruangah fâk ual an tuar hen an ka hâwl rê tiang hen ka kaltâk na awt. An tuar ruangah an hawng ka hâwl lai mawh,” a ti.

MATHAI 15:22

Chun, chu ram mi chu Kanaan nunau pakhat a hawng suak le, “Lalpa, David Fapa, hawng ka zângfah rawh, ka fanu khuri nih a tleih thlir asi,” ti hen a âu.

MATHAI 4:13

chun, Nazaret a kaltâk le, Kapernaum ah a va um le, chu chu Zebulun leh Naphtali bial ah rilî kap ah um mi asi.

MATHAI 9:18

Chubang thu chu an sinah a sim liau takah hotu pakhat a hawng le, mâi a mûk, “Ka fanu tuhin a thi le, sikhawmsele, hawng kal le, a tlûnah na kut ngauh le, a nung nawlh ko lai,” a ti.

LUK 4:23

Chun, anih nih chun an sinah, “Nannih nih hi tahṭhimh thu hi ‘Daktawr, nangmah a damh rawh,’ Kapernaum ah na thilti kan theih mi zawzawng kha hinah nangmah khua leiah khawm hin ti bâk,’ ti hen, nan ka ti ngelchel awt hi,” a ti.

LUK 7:2

Chun, kawrsen zâ hotu âumawh a to-aw duhtak a damlo le, a thi awt ngangâi.

LUK 8:42

Fanu pakhat cho kum leinih ding mi a nei le, chu chu thi awt tetem hen a rîl ko ruangah. Chun, Jisu a kal liauah mi zapi nih an eng dûlmâl.

JOHAN 2:12

Chu nûnah chun Kapernaum ah a va kal le, a nu, a unau tla leh a ṭhiruai tla hen; chunah chun ni sâwtlotê an châm.

JOHAN 21:2

Simon Peter, Thom, (phîr an ti mi), Galili ram ah Kana mi Nathanael, Zebedai fa tla leh a ṭhiruai panih tla hen anna pûm.

JOSUA 19:28

Ebron, Rehob, Hamon leh Kanah pal hen Sidon tiang a kal.