JOHAN 4:34 - Bawm Common Language Bible Version

³⁴ Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

JOHAN 4:34 ပူးပေါင်းရင်းမြစ်များ

JOB LASUIBU 23:12

Pathian thupêk chu ka ti kumza le, keimah duhzia a umlo hen Pathian duhzia hen ka um.

SAM 40:8

Ka Pathian na duhzia thilti chu ka duh a! Na sîntirnâk chu ka thinlung ah ka kil,” ti hen ka sâng.

MATHAI 26:39

Chun, tâwm hen mâi leiah a va kal le, a bawkbukhup le, “Ka Pa, tikho asi chun hi hâi nih hin hawng ka lanh seh; sikhawmsele keimah thu silo hen, nangmah thu thu si dauh seh,” ti hen thla a cham.

MATHAI 3:15

Sikhawmsele, Jisu nih a sinah, “Tu ah rem ti râm rawh, hi hâwi hen Pathian nih a herh a ti mi vial ti hi kan rangah a ṭha asi,” ti hen a sâng. Chun, Johan nih rem a ti.

MATHAI 9:19

Chun, Jisu a thawk le, a zûl rawh; ṭhiruai tla khawm nih an zûl bâk.

LUK 15:10

Ka nan simh na chu hâwi ber hen Pathian vânmifial tla lakah chun misual pakhat a rim mi tlûnah anna lâwm tâwn asi.”

LUK 19:10

Tlâu leh vei hâwl leh ruangsuah ding hen Minung Fapa hi a hawng kal ngen asi,’ a ti.

LUK 2:49

Chun, anih nih chun an sinah, “Zei rangah nan ka hâwl? Ka Pa in ah ka um ding asi ti nan theih lo mazei?” a ti.

JOHAN 17:4

Nangnih thil ti ding na hawng ka pêk mi kha ka ti dih le, tual ah ka nan chawnglawmh rawh.

JOHAN 19:28

Chu nûnah chun, Jisu nih thil zeizawng tu ah a rangtling rawh ti a theih le, Pathian lasui thu kha a tlungnâk ding hen, “Ka tî a hâl,” a ti.

JOHAN 19:30

Chun, Jisu nih uain thur chu a tem thluh rawh chun, “Â lîm rawh,” a ti. Chun, a lû a kûn le, a nukrî a chat rawh.

JOHAN 4:32

Sikhawmsele, anih nih chun an sinah, “Buh nan theihlo mi ei ding ka nei,” a ti.

JOHAN 5:30

“Keimah thu hen zeikhawm ka ti kho lo; Pa nih hawng ka simh hâwi vima hen lâi ka rêl tâwn, ka lâirêl chu dik tak asi, keimah thu thu hen um ka tum lo le, hawng ka fialtu duhzia hen um ka tum tâwn ruangah.

JOHAN 5:36

Sikhawmsele, theihtirnâk ka nei mi hi Johan theihtirnâk ngâk khan a rokual dauh asi: Pa nih thilti dih ding hawng ka pêk mi, ka thilti tak nih hin Pa nih hawng ka fial ti ka thâwngthâng a theihtir asi.

JOHAN 6:33

Pathian sang chu vân thawk hawng ṭum hen, laikulh sinah a nungnâk pêktu hi asi,” a ti.

JOHAN 6:38

Mah duhzia ti ding hen vân thawk hen hawng ṭum kasi lo le, hawng ka fialtu duhzia ti ding hen hawng ṭum kasi dauh.

JOHAN 8:29

Hawng ka fialtu chu ka sinah a um le, hawng ka thlahthlamh lo; a lawmh kâng thil ka ti kumza ruangah,” a ti.

THILTI 20:35

Zeizawng ka ti mi vial zûn ka nan zauhtir na tâwn kha, chubang hâwi hen hamh tak a ṭuan bû hen Lalpa Jisu thu theihkumza bû hen mi chaklo tla nan ṭangpi ding asi; amah ngelchel nih, “Zeilo lâk lei ngâk hen pêk lei a ṭha dauh,” a ti.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.