JOHAN 4:24 - Bawm Common Language Bible Version

²⁴ Pathian chu Thlarau asi, a sawnhtu tla nih Thlarau leh thudik hen an sawnh ding asi,” a ti.

JOHAN 4:24 ပူးပေါင်းရင်းမြစ်များ

SAM 145:18

Amah kawhtu tla sinah nâi tek hen a um, zumhkâi tak hen amah kawhtu tla chu.

SAM 50:23

Hawng ka zahtu nih lâwmthu an sim mi chu bâwlnâk asi; ka thu ngâitu zawzawng chu ka hum ngelchel lai.”

SAM 51:17

Pathian, ka bâwlnâk chu thinlung nâunâk asi, Mi â nâutir mi leh thinlung ah rim mi chu na nawng lo.

SAM 66:18

Ka sual ka theihtir lo chun LALPA nih hawng ka ngâi piak lai lo.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

JOHAN 4:23

Chuvachun, a tik a tlung awt rawh, tu khawm ah a tlung liau chir, chu tik chun Pathian sawnhtu tatak tla nih Thlarau leh thudik hen Pa an sawnh lai, Pa nih chu hâwi mi chu amah sawnhtu ding hen a hâwl asi.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 3:17

Chun, Lalpa chu Thlarau asi le, Lalpa Thlarau umnâk kip ah thawsuaknâk a um tâwn.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.