JOHAN 4:23 - Bawm Common Language Bible Version

²³ Chuvachun, a tik a tlung awt rawh, tu khawm ah a tlung liau chir, chu tik chun Pathian sawnhtu tatak tla nih Thlarau leh thudik hen Pa an sawnh lai, Pa nih chu hâwi mi chu amah sawnhtu ding hen a hâwl asi.

JOHAN 4:23 ပူးပေါင်းရင်းမြစ်များ

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

SAM 147:11

sikhawmsele, amah zahtu tla leh a dâwtnâk dawnglo ngauhsantu tla chu a lawmh na.

SAM 17:1

LALPA, diknâk kan ngiar mi hi hawng ka ngâi piak; ṭangpi ding hen kan ngiar mi hi hawng ka ngâi piak le, ka thlachamnâk zumhkâi hi ngâi.

SAM 32:2

Perpet mang lo leh LALPA nih mi diklo hen a ruat lo mi chu a lâwptlo.

SAM 51:6

Zumhkâi leh diknâk chu na duh mi tak asi, na finghnâk hen ka thinlung khattir rawh.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

LA TLA LA 2:14

Nang chu vaṭhu lungpi kâk lakah â thup mi hâwi na si. Na mêl duhkâi hawng ka muhtir le, thinlung lâk tak mi na hâu hawng ka theihtir.

ISAI 10:20

Israel thibang tla chu a vei ding mi phun lakah anna ngauh lo ding mi tik a hawng tlung awt. LALPA, Israel Pathian thenhlimh chu anna rinhsan tatak lai rawh.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

ISAI 43:21

Keimah rang ding ê hen ka siam na mi an si le, keimah sawrnâk la an sak lai,” a ti.

ISAI 58:2

Nisiar hen ka umdân theih ding leh ka dân tla zûl ding duh hen an sim le, an hawng ka sawnh. Dân dik tak pêk na ding an ka duh mi leh an hawng ka sawnh mi lakah nuam an ti mi thu an sim,” a ti.

JEREMIA 3:10

Hi bang zawzawng nûnah, Juda, Israel zumhkâilo unaunu chu ka sinah hawng kîr ding a tum salam mi cho asi le; zumh a kâi lo. Kei, LALPA nih ka sim asi,” a ti.

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

EZEKIEL 22:30

Mi âumawh kulh siam khotu ding, kulh râwknâk mun ah dîr khotu leh ka thinthawknâk nih a râwk awt liauah vêngtu ding ka hâwl le, sikhawmsele pakhat khawm ka tawng na lo.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 12:23

Chun, Jisu nih a sâng le, an sinah, “Minung Fapa chawnglawmh hen a um ding tik chu a tlung rawh.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

JOHAN 16:32

Ngâi u, a tik a tlung awt; asi, a hawng tlung liau asi, chu tik chun mah in chiauah nanna rek ver lai le, keimah lâwng hen nan ka kaltâk lai; sikhawmsele Pa ka sinah a um ruangah mah lâwng hen ka um lo.

JOHAN 4:21

Chun, Jisu nih a sinah, “Nunau, ka thu lung rawh, hi tlâng kher lo khawm ah, Jerusalem kher lo khawm ah Pa nan sawnh tik a tlung awt rawh.

JOHAN 5:25

Thungâi tak hen ka nan simh na, a tik a tlung awt rawh, tu khawm ah a tlung liau chir, chu tik ah chun mithi tla nih Pathian Fapa aw-hâu an theih lai le, a theihtu vial an nung lai.

JOHAN 5:28

“Hi hi chê ti lah u, a tik a tlung awt rawh, chu tik ah chun thlân ah a um mi zawzawng nih a aw-hâu an theih lai le, an suak ver lai;

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

ROM 8:15

Lâu ah um nawlh ding hen to-aw sinâk thlarau nan tawng asi lo le, fa sinâk thlarau nan tawng asi dauh, chu thlarau ruangah chun ‘Abba, ka Pa’ ti hen kan âu tâwn hi.

ROM 8:26

Chu hâwi ber hen, Thlarau nih chun kan chaklonâk tla a bawmh tâwn le; zei hâwi a thlacham ding me si ti kan theih lo; sikhawmsele, thlarau nih chun rûm sim kho lo rê hen thla hawng kan cham piak tâwn.

GALATIA 4:6

Chun, fa nan si ruangah Pathian nih a Fapa Thlarau chu “Abba, ka Pa” ti a auh hen, kan thinlung ah a hawng fial.

EPHESI 6:18

thlachamnâk leh deihnâk kip hen zeiliau zawng ah Thlarau a thlacham hen chu leikângah chun mi thenhlimh zawng rangah ṭhanemsemsê ngâi tak hen leh deih thlir hen a ringrâwn u.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

JOSUA 24:14

Josua nih thu a sim vima le, “Churawhchun, tuah, LALPA chu zah ule, zumhkâi tak leh rinh tlâk hen a rianṭuan u. A nan thlâk natu leh pathian tla Mesopotamia leh Aigupta ram ah an sawnh mi tla lakah mi chu a lêt ule, LALPA amah rian chu ṭuan u.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

1 SAMUEL 12:24

LALPA lakah ê-aw ngâi ule, nan thinlung zawzawng hen a rianṭuan u. Nan rangah thil rokual tak an ti piak na mi chu theihkumza u.