JOHAN 4:15 - Bawm Common Language Bible Version

¹⁵ Chun, nunau nih chun a sinah, “Pu, chu tî chu hawng ka pêk, ka tîhâl lonâk ding leh hi bang tiang tî than ding hen ka hawng lonâk ding hen,” a ti.

JOHAN 4:15 ပူးပေါင်းရင်းမြစ်များ

SAM 4:6

“LALPA, malsâwmnâk tam tak hawng kan pêk. Vêlneihnâk hen hawng kan zauhkhenh!” ti hen deihtu chu tam tak an si.

JOHAN 4:16

Chun, Jisu nih a sinah, “Na pasal va kawh le, hinah hawng nawlh,” a ti.

JOHAN 6:26

Chun, Jisu nih an sinah, “Thungâi tak hen ka nan simh na, thilchê tla nan muh ruangah nan ka hâwl mi asi lo le, sang tlang nan ei le, nan khawp ruang dauh khan asi.

JOHAN 6:34

Chun, annih nih chun a sinah, “Lalpa, chu sang chu zungzâl hen hawng kan pêk rawh,” an ti.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

ROM 8:5

Taksa Dân ah um mi tla nih chun taksa lei thil tla an duh tâwn. Thlarau lei Dân ah um mi tla nih chun Thlarau lei thil tla an duh tâwn.

1 KORIN 2:14

Laikulh mi nih chun Thlarau lei thil tla chu a lawmh tâwn lo, anih ngaih chun âtkâi an si; Thlarau ah cho theih kho mi a si ruangah a theih kho lo rerêng asi.

JEM 4:3

Chun, nan deih le, nan deih diklo ruangah nan tawng lo, mah nuamsabut rangah mang ding hen nan awt.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.