JOHAN 4:14 - Bawm Common Language Bible Version

¹⁴ âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 4:14 ပူးပေါင်းရင်းမြစ်များ

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

ISAI 55:1

LALPA nih, “A tîhâl mi zawng hawng u- hinah tî a um! Tangka nei lo mi tla hawng ule, Fâng châwk ule ei u! Hawng u! Nûk leh uain tla châwk u- Zeikhawm nan hêu lai lo!

ISAI 58:11

Ka nan rui kumza lai le, thil ṭha tla hen ka nan khimtir lai. Chak tak leh nung dam hen ka nan kilkâwi lai. Dûm tî tam tak nei mi, tinung va kang dahlo mi hâwi na si lai.

JEREMIA 31:25

A dî mi tla leh a sungvâng hen a uai mi tla chu buh hen ka khimtir hen ka panhlâutir na lai.

EZEKIEL 47:9

Chu tiva chu a luangnâk zawng ah ran chi kip leh nga chi kip an um lai. Chu tiva nih chun Tipi Thi tî chu tî thar ah a siam lai le, a luangnâk zawng ah nungnâk a pêk lai.

LEVITICUS 11:36

Sikhawmsele tikhur mawh, tipang mawh chu thiang asi, an ruak nih a tawngh mi chu thianglo ah ngaih asi.

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

MATHAI 5:6

“Repnâk ruangah sungvâng tîhâl tla chu an thaw a suak, an khim awt ruangah!

JOHAN 10:10

Fîrmang chu fîr ding leh thah ding leh rawk ding lo chun a hawng kal lo; kei lam chu nungnâk an nei khonâk ding hen, tam tak an nei khonâk ding hen, hawng kal kasi.

JOHAN 11:26

a nung mi zawng nih hawng ka zumhtu chu an thi rîlmâl lai loh; chu thu chu na lung ma?” a ti.

JOHAN 4:10

Chun Jisu nih a sâng le, a sinah, “Pathian thilpêk le, Din ding hawng ka pêk,’ na sinah titu hi theih le chu, nangnih a sinah na deih dauh ding asi, chun, anih nih tî nung a nan pêk rawh ding asi,” a ti.

JOHAN 4:11

Chun, nunau nih chun a sinah, “Pu, a thannâk zeikhawm na nei lo mi, tikhurchawh a thûk thlo mi, kha zei a mi tî nung na tawng?

JOHAN 4:13

Chun, Jisu nih a sâng le; a sinah, “Âuzawng hi tî dintu vial an tîhâl nawlh lai;

JOHAN 4:36

A âttu nih lawh a tawng tâwn le, zungzâl a nung tiang um ding hen rah a khawmh tâwn, a tuhtu leh a âttu anna lâwm vevê khonâk ding hen.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:58

Hi hi vân thawk hen sang hawng ṭum chu asi: pu tla nih sang chu an ei le, an thi hâwi kha asi lo, âuzawng hi sang eitu zawng chu zungzâl hen a nung kumza lai,” a ti.

JOHAN 7:37

Chun, Kût ṭiak awt ni, ni rokual takah chun, Jisu a dîr le, a âu le, “Âuzawng a tîhâl mi chu ka sinah hawng kal sele din seh.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

2 KORIN 1:22

Anih chu hawng kan singsiahtu leh kan thinlungah Thlarau Thenhlimh hawng kan pêktu asi ber.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 7:16

An sung a vâng lai lo le, an tî khawm a hâl lai lo, nî nih a emh na lai lo le, a linhnâk khawm nih a hamhtir na lai lo.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.