JOHAN 4:10 - Bawm Common Language Bible Version

¹⁰ Chun Jisu nih a sâng le, a sinah, “Pathian thilpêk le, Din ding hawng ka pêk,’ na sinah titu hi theih le chu, nangnih a sinah na deih dauh ding asi, chun, anih nih tî nung a nan pêk rawh ding asi,” a ti.

JOHAN 4:10 ပူးပေါင်းရင်းမြစ်များ

SAM 10:17

LALPA, mi nau tla thlachamnâk chu na ngâi piak lai le; râlṭhatnâk na pêk lai.

SAM 46:4

Chungnungchem, in thenhlimh, Pathian khuapi leiah lâwmnâk tlungtirtu tiva a um.

EXODUS 17:6

Sinai Tlângah mi lungpi tlûnah na mâika ah ka dîr lai, lungpi chu vuak le, zapi minung din ding tî a hawng suak lai,” a ti. Mosi nih Israel ruitu tla mâika ah chu hâwi hen a ti rawh.

LA TLA LA 4:15

Tinungva tla nih dûm chu a chinh le, tiva tla, tivatê tla chu Lebanon tlâng thawk hen a luang. Nunau nih

ISAI 12:3

A tîhâl mi tla rangah tî thenhlimh nih lawmhnâk a pêk mi hâwi hen, Pathian nih a mi tla ruang a suah na liauah anna lâwm,” ti hen.

ISAI 35:6

Kekhêng chu a lawk hen a lâm lai le, mi hawlh kho lo chu lâwm ruangah a âu lai. Ramkaro ah tiva tla an luang lai le,

ISAI 42:6

“Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 43:20

Ramsa tiang khawm nih an hawng ka zah lai le; kâwlui leh vachâ tla khawm nih ramkaro ah ka mi thîm tla rangah tiva ka luangtir tik chun an hawng ka sawr lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

EZEKIEL 16:35

Churawhchun, tuah, Jerusalem mi hur nu! LALPA thusim ngâi rawh.

ZEKARIA 13:1

LALPA Zeizawng tikho nih, “Chu tikah chun, David thlâk leh Jerusalem a mi chu an sualnâk leh milem an sawnhnâk tlenh ding hen tinungva ka suaktir awt.

ZEKARIA 14:8

Chu ni a hawng tlung tikah chun, tî thar chu Jerusalem thawk hen a hawng luang lai le, a khingkhuai chu Tipi Thi ah a luang lai le, a khingkhuai dang chu Mediteranian ah a luang lai. A fûr a ṭhâl hen zeiliau zawng ah a luang kumza lai.

LUK 11:13

Chuvachun, nannih misual men nih nan fa tla thil ṭha pêk ding dân nan theih chun, nan Pa vân ah mi nih chun amah deihtu tla chu Thlarau Thenhlimh a pêk tam khun lai!” a ti.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

THILTI 9:11

Chun, Lalpa nih chun a sinah, “Thawk le, ‘Zâwllâi Ding’ an ti mi leiah kal le, Tarsa khua mi a min Sawl chu Juda in ah va hâwl rawh; thla a cham liau chir asi.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 10:4

an ektê hen thlarau lei din ding munkhat hen an din chiau kha; anmah tla zûltu thlarau lei lungpi ah mi kha an din chiau; chu lungpi chu Krist chu asi.

2 KORIN 9:15

A thilpek sim kho lo rê ruangah hin Pathian sinah lâwmthu um seh.

EPHESI 2:8

Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

HEBRAI 6:4

Chun, âuzawng a tlû rawh mi tla chu rim nawlh ding hen zeitin kîrtir nawlh kho an si lai? Veikhat chu thinlung fiangtir hen an um rawh. Chun, van thilpêk tem rawh hen Thlarau Thenhlimh vauh mi anna ting.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 21:6

Chun, hi hawi hen a sim le, “Â lîm rawh, kei Alpha leh Omega, a bul leh a dawng kasi, a tîhâl mi zawng sinah nungnâk tiva ah mi a thawt hen ka pêk lai.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.