JOHAN 3:33 - Bawm Common Language Bible Version

³³ A thu theihtirnâk pawm mi nih ‘Pathian chu a dik asi,’ ti a singsiah.

JOHAN 3:33 ပူးပေါင်းရင်းမြစ်များ

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 8:26

Nannih thu lakah hin thil tam tak sim le ruat ding ka nei; zeikhawm si sele, hawng ka fialtu chu mi dik tak asi; a sinah thu ka theih mi vial laikulh sinah ka simh,” a ti.

ROM 15:28

Churuangah, chu chu ka ti hen, rah khawm chu anmah tla fiang tlo hen ka muhtir na thluh chun, nanmah tla pal hen, Spain ram ah ka kal vima lai.

ROM 4:11

Chun, fêmtan lo hen a um liauah lungnâk ah repnâk a tawng ti theihnâk fêmtan singsiahnâk chu â ting le, chu repnâk chu an rangah ruat a sinâk ding hen fêmtan lo tla lakah lungtu zawzawng thlarau pa asi khonâk ding hen.

1 KORIN 9:2

Midang rangah mifial si lah khawmsele nannih rang lam chun kasi; Lalpa ah mifial ka sinâk singsiahnâk chu nanmah hi nan si.

2 KORIN 1:18

Zeital si sele, Pathian chu zumh a kâi hâwi hen, nanmah leikângah kan thu hi, “Asi,” ti leh, ‘Asi lo,” ti asi ṭung lo.

2 KORIN 1:22

Anih chu hawng kan singsiahtu leh kan thinlungah Thlarau Thenhlimh hawng kan pêktu asi ber.

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

HEBRAI 6:17

Chun, Pathian nih a thutiam rotingtu ding tla sinah chun a thiltum a dangtir kho lo zia theihtir khun duh hen siatsirh hen a birhtir.

1 JOHAN 1:10

“Thilsual kan ti lo” kan ti chun, Pathian chu âwkrâwl ah kan siam le, a thu khawm kanmah lakah a um lo asi.