JOHAN 3:3 - Bawm Common Language Bible Version

³ Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

JOHAN 3:3 ပူးပေါင်းရင်းမြစ်များ

JEREMIA 5:21

Nannih mi â leh mi lungkhung, mit nei ko hen muh kholotu leh nâ nei ko hen theih kholotu tla, ngâi u.

EZEKIEL 36:26

Thinlung thar leh dawnruatnâk thar ka nan pêk na lai. Lung hâwi mi nan thinlung ê-aw ngâilonâk chu ka lâk ving lai le, ê-aw ngâinâk thinlung ka nan pêk na lai.

MATHAI 16:17

Chun, Jisu nih a sinah, “Simon, Johan fapa, na thaw a suak; minung nih a nan theihtir mi asi lo le, ka Pa vân ah mi nih a nan theihtir mi asi dauh.

MATHAI 19:24

Chun, ka nan simh nawlh na, minei Pathian Ram ah lût ngâk hen sangâwngsâu ṭhim kua ah lût a awl dauh,” a ti.

MATHAI 21:31

Chu minung panih nih chun zei mi dauh nih me an pa duhzia an ti?” a ti. Annih nih chun, “A masa dauh mi nih,” an ti. Jisu nih an sinah, “Thungâi tak hen ka nan simh na, siah khawlhtu tla leh nunau â zuar mi tla nih chun Pathian Ram an lût khalh na awt ma hi!

MATHAI 5:18

Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

MARK 10:14

Sikhawmsele, Jisu nih chu chu a muh rawh chun thungâi a lungsi lo; ṭhiruai tla sinah chun, “Ngâksia tetê tla ka sinah hawng kaltir ule, nar lah na u; Pathian Ram chu hi bang mi tla tâ asi.

MARK 9:47

Chun, na mit nih a nan tlûktir chun, chawih zek;

JOHAN 1:13

Minung thlâknâk thawk hen ring mi ansi lo; taksa duhnâk thawk hen ring mi khawm ansi lo; mipa duhnâk thawk hen ring mi khawm ansi lo; Pathian thawk hen ring mi an si dauh.

JOHAN 1:5

Chêu chu mûi lakah a hawng chêu le, mûi nih chu chu a neh lo.

JOHAN 1:51

Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

JOHAN 12:40

“Amah nih an mit a chawtir le, an thinlung a changtir le; chu lo chun an mit hen an muh lai le, an thinlung hen an theih lai le, chun, anna her nawlh lai le, kei nih annih chu ka damh na lebang lai,” ti a sim nawlh ruang hin.

JOHAN 3:4

Nikodem nih a sinah, “Mi a tar nûnah zeitin a suak kho lai? A nu paw sungah veinih lût hen a suak kho lai mazei?” a ti.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

GALATIA 6:15

Siamthar nawlhnâk lo chu fêmtan hi zeikhawm asi lo. Fêmtan lo khawm zeikhawm asi lo.

EPHESI 2:1

Nannih khawm nan buar mi leh nan sual tla ruangah thi nan si liau khan a nan nunh na asi.

DEUTERONOMY 29:4

Sikhawmsele tusûn ni tiang hen nan thil theih lakah theihthiamnâk zeikhawm a nan pêk na lo rih.

TITA 3:5

thil rep tak hen ti mi, kanmah ngelchel nih ti mi tla chu, chu ruang silo hen, siamtharnâk ṭâwlnâk leh Thlarau Thenhlimh siamthar nawlhnâk nih chun a zângfahnâk hâwi vima hen ruang hawng kan suah rawh.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

1 PETER 1:3

Kan Lalpa Jisu Krist Pathian leh Pa chu sawr hen um seh: Anih nih chun a siherhnâk fâk tak hâwi hen, mithi lakah mi Jisu Krist thawknawlhnâk ruangah lungumnâk nung tawng ding hen nungnâk thar a hawng kan pêk.

1 JOHAN 2:29

Amah chu mirep asi ti nan theih chun, mi âuzawng repnâk titu chu Pathian fa asi ti nan theih lai.

1 JOHAN 3:9

Âuzawng Pathian fa nih chun, Pathian nunchan amah lakah a um kumza ruangah thilsual a ti tâwn lo, Pathian a Pa asi ruangah thilsual a ti kho lo.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

1 JOHAN 5:18

Âuzawng Pathian fa nih chun thilsual a ti lo ti kan theih, Pathian Fapa nih chun a vêng kumza le, Misual nih a râwk kho lo asi.

1 JOHAN 5:4

Pathian fa vial nih chun laikulh a neh kho vima le, hi laikulh kan nehnâk chu kan lungnâk hen asi.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.