JOHAN 3:27 - Bawm Common Language Bible Version

²⁷ Johan nih a sâng le, “Minung nih zeikhawm a nei kho lo, vân ah mi pêk asi lo chun.

JOHAN 3:27 ပူးပေါင်းရင်းမြစ်များ

JEREMIA 1:5

“Nungnâk kan pêk lânah leh na suak lânah phun tla sinah khuavâng siding hen kan thîm rawh mi na si,” ati.

JEREMIA 17:16

Sikhawmsele, LALPA, an lakah siatnâk na tlungtir ding hen ka nan fawrh lo, an rangah nawknâk tik hawng tlung ding khawm ka duhpi na lo. LALPA, chu chu nangmah nih na theih le, thu ka sim mi tla khawm na theih.

AMOS 7:15

Sikhawmsele LALPA nih dawrâ ka vêngnâk ah mi hawng ka lâk le, a mi Israel tla sinah kal hen thu sim ding hen thu hawng ka pêk.

NUMBER 17:5

Ka thîm mi minung ṭhianṭhunh chu a hawng chawrh lai. Hi hâwi hen Israel mi tla na lakah an chipchiarnâk chu ka bângtir awt,” a ti.

MATHAI 21:25

Johan baptisma kha zei lei mi thu mesi? Vân ah mi thu ma, minung thu?” ti hen a deih na. Chun, anna ruat le, “ ‘Vân ah mi thu,’ kan ti chun, ‘Zei rangah a thu nan lung lo ne?’ hawng kan ti fâwn lai.

MATHAI 25:15

To-aw pakhat sinah talent nga a pêk le, to-aw dang sinah talent nih a pêk le, to-aw dang sinah talent khat a pêk. An ti kho tâwk chiau hen a pêk na le, chun a kal rawh.

MARK 13:34

Mi, a in kaltâk hen, a sal tla chu thuneitir hen, an rianṭuan ding pêk chiau hen, inkhâr vêngtu khawm râlring ding thu pêk tâ hen, ram lât takah khualtlâwng ving mi hâwi asi.

JOHAN 10:41

Chun, mi cherkhet a sinah an hawng kal le, “Johan nih thilchê zeikhawm chu a ti lo le; sikhawmsele Johan nih hi minung thu a sim mi zawzawng kha a dik ma hi,” an ti.

JOHAN 6:65

Chun, amah nih, “Churuangah asi, nan sinah, ‘Pa nih a pêk mi cho lo chu, âukhawm ka sinah an hawng kal kho lai loh,’ ka ti mi kha,” a ti.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 12:6

Zângfahnâk hawng kan pêk hâwi vima hen thilthawt pêk dang dang kan nei chiau le, thusim ding asi chun, kan lung tâwk hâwi vima hen kan sim lai;

1 KORIN 1:1

Pawl, Pathian duhzia hen Jisu Krist mifial siding hen kawhmi leh kan unaupa Sosthen nih chun:

1 KORIN 12:11

Sikhawmsele, chubang zawzawng chu Thlarau munkhat ver hen chun mikip sinah a duh hâwi zia vima hen a ṭhen hen a ṭuan tâwn.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

1 KORIN 3:5

Apolo chu zei me asi? Pawl khawm chu zei me asi? Rianṭuantu nanmah tla a nan lungtir natu cho an si, chu khawm chu Lalpa nih a pêk na vevê mi hâwi vima asi.

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

GALATIA 1:1

Pawl, mifial minung tla fial si lo hen, minung zârah khawm silo hen, Jisu Krist leh mithi lakah mi thawhtu Pa Pathian zârah asi dauh ti mawh

EPHESI 1:1

Pawl, Pathian duhzia hen Krist Jisu mifial nih: Pathian mi tla Ephesi khua ah um mi tla, Krist Jisu ah mi zumhkâi le tla sinah chun--

1 TIMOTHE 2:7

chu chu ti ding hen phuangtu ah leh mifial ah ruat kasi, thudik ka sim, ka âwkrâwl lo, lungnâk leh thudik ah phundang tla sîntirtu ah ruat kasi.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.