JOHAN 3:17 - Bawm Common Language Bible Version

¹⁷ Laikulh mawhtir ding hen Pathian nih a Fapa laikulh ah a fial lo, laikulh amah ruangah ruangsuah hen an um khonâk ding hen a fial dauh asi.

JOHAN 3:17 ပူးပေါင်းရင်းမြစ်များ

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 18:10

“Hi bang mi mê tla lakah pakhat khawm hi zauhnawmh lo ding hen a thiamthih u; an vânmifial tla nih vân ah ka Pa vân ah mi mêl chu an muh kumza tâwn ti ka nan simh na hi.

LUK 19:10

Tlâu leh vei hâwl leh ruangsuah ding hen Minung Fapa hi a hawng kal ngen asi,’ a ti.

LUK 9:56

“Nan thusim umzia nan theih lo asi. Minung Fapa hi minung nun tlautir ding silo hen, sanhim ding hen hawng kal asi dauh,” a ti. Chun khua dang ah an kal rawh.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 11:42

Ka thu na ka ngâi piak kumza ti ka theih asi; sikhawmsele, mi zapi hêl buk dîr mi tla ruangah chun chu chu ka sim asi, nangnih na ka fial ti an lung khonâk ding hen,” a ti.

JOHAN 17:18

Nangnih laikulh ah na ka fial hâwi khan, kei khawm nih annih chu laikulh ah ka fial na hi.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

JOHAN 17:23

kei anmah lakah, nang keimah lakah, annih chu rangtling tak hen pumkhat an si khonâk ding hen; nangnih kei na ka fial ti leh na ka dâwt hâwi hen annih hi na dâwt ti laikulh nih an theih khonâk ding hen.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 20:21

Chun, Jisu nih an sinah, “Nan tlûnah lungngamnâk um seh; Pa nih kei hawng ka fial hâwi hen ka nan fial na hi,” a ti nawlh.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

JOHAN 5:36

Sikhawmsele, theihtirnâk ka nei mi hi Johan theihtirnâk ngâk khan a rokual dauh asi: Pa nih thilti dih ding hawng ka pêk mi, ka thilti tak nih hin Pa nih hawng ka fial ti ka thâwngthâng a theihtir asi.

JOHAN 5:38

A thu khawm nan thinlung ah nan kil kumza lo, a fial mi hi nan lung lo ruangah.

JOHAN 5:45

Kei nih Pa sinah kan phiar na ding hen ruat lah u: an phiar natu chu pakhat a um, nan rinhsan Mosi hi.

JOHAN 6:29

Chun, Jisu nih an sinah, “Pathian rianṭuan chu hi hi asi, a fial mi hi zumh ule,” a ti le, a sâng.

JOHAN 6:38

Mah duhzia ti ding hen vân thawk hen hawng ṭum kasi lo le, hawng ka fialtu duhzia ti ding hen hawng ṭum kasi dauh.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 6:57

Pa nung mi nih chun hawng ka fial le, Pa ruangah nung kasi hâwi hen, âuzawng hawng ka eitu chu keimah ruangah anih khawm a nung lai.

JOHAN 7:29

Kei lam nih chun anih chu ka theih; a sin thawk hen hawng kasi, amah nih hawng ka fial asi,” a ti.

JOHAN 8:11

Chun, anih nih chun, “Lalpa, âukhawm nih an hawng ka mawhtir lo,” a ti. Chun, Jisu nih a sinah, “Kei khawm nih ka nan mawhtir lo; kal le, tu thawk hen sual lah rawh,” a ti.]

JOHAN 8:42

Jisu nih an sinah, “Pathian nan pa asi chun, nan hawng ka dâwt lai; Pathian sinah suak le, amah sin thawk hen hawng kal kasi; keimah thu hen hawng kal kasi lo, amah fial mi kasi dauh.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.

1 JOHAN 4:14

Chun, Pa nih a Fapa chu laikulh ruangsuahtu ding hen a hawng fial asi ti kan muh le, midang tla khawm kan theihtir na asi.