JOHAN 3:14 - Bawm Common Language Bible Version

¹⁴ Chun, Mosi nih ramkaro ah rûl a thlâi hâwi khan, Minung Fapa hi thlâi hen a um ding asi.

JOHAN 3:14 ပူးပေါင်းရင်းမြစ်များ

2 Lal 18:4

Lunglotu tla milem sawnhnâk tla a râwk, lung intungpi khawm a khiak piak na, pathiannu Aserah lem khawm a hâu piak na. Mosi nih a siam mi dâr rûl lem Nehustan an ti mi khawm a mân dip. Chu ni tiang hen rûl ruk chu Israel tla nih zahnâk ah rimthâw an duah.

SAM 22:16

Misual murui nih ui râng tla hâwi hen an ka kulh le, an ka naih; ka kut leh kê an sâm ver.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

MATHAI 26:54

Sikhawmsele, ngiar menza khawmsele zeitin Pathian lasui thu hi hâwi hen a hawng um ding mi thu hi a hawng tlung kho lai?” a ti.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

LUK 24:20

bâwlpu tla leh kan hotu tla nih thah ding hen an pêk le, kraws ah an khenhbêk zia thu tla kha.

JOHAN 18:32

A thih zia ding thu Jisu nih a sim hâwi hen a tlung khonâk ding hen.

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

JOHAN 8:28

Chuvachun, Jisu nih, “Nannih nih Minung Fapa hi nan thlâi tikah, anih chu kasi ti leh kei nih mah thu hen zei thil khawm ka ti lo, Pa nih hawng ka simh hâwi vima hen hi bang thu hi ka sim dauh asi ti nan theih teh lai.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.