JOHAN 21:22 - Bawm Common Language Bible Version

²² Jisu nih a sinah, “Ka hawng kal nawlh tiang um kumza ding hen duh châng sele, na rang zei me si? Nangmah nih hawng ka zûl ko,” a ti.

JOHAN 21:22 ပူးပေါင်းရင်းမြစ်များ

MATHAI 16:24

Chun, Jisu nih a ṭhiruai tla sinah, “Âuzawng hawng ka zûl a duh mi nih chun mah hamhnâk siarlo hen, a kraws put hen hawng ka zûl seh.

MATHAI 24:27

Mîmthlâ saklei ah a hawng lek le, thlanglei tiang khawm hen a lang tâwn le, Minung Fapa a hawng kal nawlhnâk chu chu hâwi chu asi awt ruangah.

MATHAI 24:3

Chun, Oliv Tlângah chun a to liauah ṭhiruai tla anmah lâwng hen a sinah an hawng kal le, “Chubang chu zeitik ah me a hawng um lai? Na hawng kal nawlhnâk leh laikulh dawnghnak singsiahnâk chu zei me si lai? Hawng kan simh rawh,” an ti.

MATHAI 24:44

Churuangah, nannih khawm râlring kumza hen um u, nanna râlring lo tikah Minung Fapa a hawng kal awt ruangah.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 8:22

Sikhawmsele, anih nih chun a sinah, “Hawng ka zûl rawh; mithi nih anmah mithi chu vûi seh,” a ti.

MARK 9:1

Chun, Jisu nih an sinah, “Thungâi tak hen ka nan simh na, hinah dîr tla, a zeimaw mi tla hi Pathian Ram thiltikhonâk hen hawng tlung mi an muh lânlo chu thihnâk tem lo thlo ding mi an um,” a ti.

JOHAN 21:19

(Chubang thu chu zei hâwi a thihnâk hen me Peter nih Pathian a chawnglawmh lai ti theihtirnâk ding hen a sim asi.) Chun, chu chu a sim thluh rawh chun, Jisu nih a sinah, “Hawng ka zûl,” a ti.

JOHAN 21:21

Chun, Peter nih anih chu a muh le, Jisu sinah, “Lalpa, hi minung nih hin zei me a ti lai?” a ti.

1 KORIN 11:26

Chu sang chu nan ei hen, hâi chu nan din kip hen a hawng kal nawlh lânlo chu Lalpa thihnâk chu nan zauhtir asi.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

1 THESALONIKA 2:19

Kan lungumnâk mawh, kanna lâwmnâk mawh, kan lallukhuh putso mawh zei me asi ne? A hawng tikah kan Lalpa Jisu mâika ah chun nanmah ngelchel nan si awt mi asi lo ma?

JEM 5:7

Chun, ka unau tla, Lalpa hawng kal lânlo felfê tak hen um u, lo dâwngpu nih chun ruah masa leh madung chem chu a tawng lânlo felfê tak hen thlâi rah sung tak chu a ngâk tâwn.

JEM 5:8

Chun, nannih khawm felfê tak hen um u. Lungnâk bir tak nei ule, Lalpa hawng kalnâk ni chu a nâi rawh.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 2:25

Nan nei chia lam kha ka hawng kal lânlo chu kil thlir u.

THUPHUANG 22:20

Hi thu theihtirtu nih hin, “Ka hawng kal tuan awt,” a ti. Amen, hawng kal ko me, Lalpa Jisu!

THUPHUANG 22:7

Chun, Jisu nih, “Ngâinik, ka hawng kal tuan awt hi, hi lasuibu ah khuavâng tla thusim zûltu vial chu an thaw a suak,” a ti.

THUPHUANG 3:11

Âukhawm nih na lallukhuh chu an lâk piak lo ding hen na thilneih chia kha kil thlir rawh, ka hawng tuan awt hi.