JOHAN 21:17 - Bawm Common Language Bible Version

¹⁷ Chun, a veithumnâk ah chun a sinah, “Simon, Johan fapa, nangnih kei na ka dâwt ma?” a ti. A veithumnâk ah, “Nangnih na ka dâwt ma?” a sinah a ti ruangah chun Peter a lawksawng le, a sinah, “Lalpa, zeizawng na theih le, ka nan dâwt ti na theih,” a ti. Jisu nih a sinah, “Ka dawrâ tla zauhkhenh rawh.

JOHAN 21:17 ပူးပေါင်းရင်းမြစ်များ

2 SAMUEL 7:20

Na sinah thusim ding dang zei me ka nei lai rawh! Na to-aw chu na ka theih asi.

1 Lal 17:18

Numeinu nih Elija sinah, “Pathian mi, zei rangah hi hâwi na ka ti? Hinah na hawng mi hi ka sualnâk theihtir ding leh ka fapa thihtir ding hen na hawng mi asi mu?” a ti.

1 CHRONICLES 17:18

Thu dang zei me na sinah ka sim lai rawh! Nangnih fiang tak hen na ka theih le, kei na to-aw hi ṭih leh zah ding hen na ka siam.

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

SAM 17:3

Ka thinlung na theih le; zân ah na ka veh. Na hawng ka zauh ver le, ka lakah sual duhnâk ka nei lo zia na muh.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

LUNGFÂKNÂK 3:33

Ngaihsiat mawh nganfâk kan tuar liauah â lâwm lo.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

MARK 14:72

Chun, ârkhuang veinihnâk chu a khuang sawm rawh. Chun, Peter nih chun Jisu nih a sinah, “Âr veinih a khuang lânah nangnih veithum na hawng ka pheh lai,” a ti mi thu kha a theih nawlh rawh. Chun, chu chu a dawn le, a ṭap rawh.

JOHAN 12:8

Mipâm tla chu nan sinah an um kumza mi; kei lam chu nan sinah um kumza ding kasi lo,” a ti.

JOHAN 13:38

Jisu nih, “Keimah ruangah na nungnâk na pêk awt mu? Thungâi tak hen ka nan simh, nangnih veithum na ka pheh lânlo chu âr a khuang lai loh,” a ti le, a sâng.

JOHAN 14:15

“Nannih nih nan ka dâwt chun, ka thupêk tla nan zâwt lai.

JOHAN 15:10

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

JOHAN 16:30

Nangnih zeizawng na theih le, âukhawm nih an deih a herh lo ti tuah kan theih rawh; hi ruang hin Pathian sinah mi hawng suak na si ti kan lung,” an ti.

JOHAN 18:27

Chun, Peter chu â pheh nawlh le; chun âr a khuang sawm rawh.

JOHAN 18:4

Jisu nih a tlûnah thil tlung ding zawzawng chu theih hen, a va suak le; an sinah, “Âu me nan hâwl?” a ti.

JOHAN 21:18

Thungâi tak hen ka nan simh, na ngâksia liau khan na tâi na sâwm le, na duhnâk zawng ah na kal tâwn; sikhawmsele, na upa tikah na kut na phar lai le, midang nih an sâwm piak lai le, na duhlonâk leiah an kalpi lai,” a ti.

JOHAN 4:16

Chun, Jisu nih a sinah, “Na pasal va kawh le, hinah hawng nawlh,” a ti.

THILTI 1:24

Chun, thla an cham le, “Nang Lalpa, minung zawzawng thinlung theihtu,

THILTI 11:10

Chu hâwi karo hen veithum a hawng um rawh chun zeizawng vân ah lâk hen a um rawh.

THILTI 15:8

Chun, mi thinlung theihtu Pathian nih kanmah a hawng kan pêk hâwi ber khan Thlarau Thenhlimh an sinah pêk bâk hen an lakah â lâwm ti a theihtir.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

JOSUA 22:22

“Mi thiltikho chu Pathian asi, amah chu LALPA asi! Mi chak pakhat chu Pathian asi! Amah chu LALPA asi! Zei rangah hi hi kan ti amah nih a theih asi, nannih khawm nih nan theih ding hen kan duh na! LALPA lakah kan hel hen amah kan zumh lo mi asi chun hawng kan zuah rerêng lah seh!

1 PETER 1:6

Niknâk tam tak nan tuar mi ruangah sâwtlotê kar nan rangah ngaihsiatkâi khawmsele chu lak chun a lâwm u.

2 PETER 3:1

Duhtak tla, tuah nan sinah ka rîn mi hi ka lasuikuat veinihnâk asi. Chu lasuikuat tla nih chun nan thinlung dawnruatnâk thenhlimh chu thawhtir ding hen ka ti asi.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.